گۇلزيرا ايداربەكوۆا: قايرات كينو ءتۇسىرىپ ەدى، باسقا انشىلەر قايتالاي باستادى
گۇلزيرا ايداربەكوۆانىڭ ايتۋىنشا، كەلەسى فيلمنىڭ سەناريى الدەقاشان جازىلىپ قويعان. تەك انشىلەر قاتارلاسىپ كينو ءتۇسىرىپ كەتكەندىكتەن، قايراتتىڭ اناسى بۇل جوسپارىن كەيىنگە ىسىرعانىن ايتادى.
بۇل تۋرالى Stan.kz اقپاراتتىق اگەنتتىگى 31- ارنانىڭ «ايتا بەرسىن» باعدارلاماسىنا سىلتەمە جاساپ حابارلايدى.
«كينو جاعىنا كەلەتىن بولساق، سەناريىن دايىنداپ قويدىم. ەندى تۇسىرەيىن دەپ جاتقان كەزدە ەركە ەسماحان مەن تورەعاليدىڭ كينوسى شىعىپ جاتتى. سودان كەيىن ويلادىق، ءانشى بولعاننان كەيىن ءبارىنىڭ ءومىرى ۇقساس. سولاردىڭ ۇرلاپ الىپتى دەپ ايتپاسىن، ءبىز كۇتەيىك، اسىقپايىق، كوكتەمگە قاراي تۇسىرەيىك دەدىك. ايتپەسە وسىدان ەكى اي بۇرىن باستاپ كەتەمىز دەپ ءبارىن دايىنداپ قويعانبىز»، - دەيدى پروديۋسەر.
ايداربەكوۆانىڭ ايتۋىنشا، قايرات ونەر الەمىنە كوپتەگەن جاڭاشىلدىق الىپ كەلدى. ال وزگە انشىلەر كوپ جاعدايدا ۇلىمنىڭ ءىسىن قايتالايدى، الايدى ونىسىن مويىندامايدى، دەيدى تاجىريبەلى پروديۋسەر.
«ءبىر شەتىنەن قۋانامىن، كينو بولسىن، ۇلكەن D3 شوۋ-كونسەرت بولسىن، بارلىعىن قايرات باستاپ كەلە جاتىر. وتكەندە ءبىر كىسى ايتىپ ءوتتى: - نەگىزى يدەيا ويلاۋ وڭاي ەمەس. بىرەۋدىڭ جاساعانىن كوشىرىپ تە ادامدار كوتەرىلىپ جاتىر. ءبىراق ونىڭ بارىنە باس بولۋ كەرەك، كومەكشىسى دە مىقتى بولۋ كەرەك، - دەپ. ەشكىمنەن كوشىرمەي، ىزدەنىستىڭ ارقاسىندا، كينو الەمىندە دە قايرات ءتۇسىردى، انشىلەر كەتە باستادى. بىزدەن ۇرلاپ قويدى دەمەيمىن. ءبىراق قايراتتىڭ تاستى قوپارىپ، الدىنا شىعىپ، باستاپ، جۇرتقا ونەگە بولىپ جاتقانىنا مەن قۋانامىن. ءبىراق ەندى جۇرتتار «قايراتتان ونەگە الدىق» دەپ ايتسا... كوبىسى ايتپايدى عوي. ءبىراق مەن سوعان قۋانامىن.
بۇرىندارى تەك قانا قارا كوستيۋممەن شىعاتىن. تاسپەن، جالتىراعان كوستيۋمدەر كيىپ، ناعىز جۇلدىز سياقتى شىعارىپ، ونىڭ ءبارىن ويلاستىرىپ، تىپتەن دەسەڭىز اياق كيىمىنە دەيىن جالتىراتىپ شىعاردىق. پوگونمەن شىقتى، كەيىن ول قىزدارعا دا ءسان بولىپ كەتتى. سونىڭ ءبارى مىسالعا جاستارعا ۇلگى بولىپ جاتقانى مەن ءۇشىن ماقتانىش، قۋانىش»، - دەيدى گۇلزيرا ۇسەن قىزى.
