توكيودا ەرەكشە داياشىلار جۇمىس ىستەيتىن ءدامحانا اشىلدى

پيلوتتىق رەجيمدە ىسكە قوسىلعان DAWN ver. ك ءدامحاناسىنا كەلۋشىلەرگە بيىكتىگى ءبىر مەتردەن ءسال عانا اساتىن 5 روبوت قىزمەت ەتىپ ءجۇر. روبوتتار تاپسىرىس قابىلداپ، تاعامداردى اكەلىپ تۇرادى.

ءبىر قىزىعى، داياشى روبوتتاردى ۇيلەرىندە وتىرعان ءدامحانا قىزمەتكەرلەرى - مۇمكىندىگى شەكتەۋلى جاندار باسقارىپ وتىر. ولار ءدامحانادا نە بولىپ جاتقانىن ينتەرنەت ارقىلى اۋديو جانە ۆيدەو كومەگىمەن كورىپ، داياشىلاردى ۇيلەرىنەن پلانشەت نەمەسە كومپيۋتەر ارقىلى باسقارادى.

ءدامحانا وسىنداي رەجيمدە تەك بيىلعى جىلدىڭ 7 - جەلتوقسانىنا دەيىن عانا جۇمىس ىستەيدى. ونىڭ تۇراقتى نۇسقاسى 2020 -جىلى توكيودا وتەتىن وليمپيادا جانە پاراليمپيادا ويىندارىنىڭ قارساڭىندا ىسكە قوسىلماق.

 ءدامحانا جوباسىنىڭ اۆتورلارى وسىلايشا مۇمكىندىگى شەكتەۋلى جاندارعا كوبىرەك جۇمىس ورنىن ۇيىمداستىرۋعا كومەك بەرە الامىز دەپ ۇمىتتەنىپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى