تۇركيادا ر ف ەلشىسىنىڭ ءولتىرىلۋى: ءىستى تەرگەۋ اياقتالدى

اتاپ وتىلگەندەي، ديپلوماتقا قاستاندىق جاساۋ ىسىنە تەرگەۋ جۇرگىزگەن پروكۋرور ادەم اكىندجي ايىپتاۋ قورىتىندىسىن ازىرلەپ، انكارانىڭ رەسپۋبليكالىق پروكۋراتۋراسىنا بەكىتۋگە ۇسىندى.

اكتى بەكىتىلگەن جاعدايدا ءىس سوتقا جولداناتىن بولادى.

ەسكە سالايىق، انكاراداعى رەسەي ەلشىسى اندرەي كارلوۆ 2016-جىلى 19-جەلتوقسان كۇنى «رەسەي تۇرىكتەردىڭ كوزىمەن» اتتى كورمەنىڭ اشىلۋ راسىمىندە ولتىرىلگەن بولاتىن. شارانى انكاراداعى ر ف ەلشىلىگى مەن چانكايا اۋدانى مۋنيتسيپاليتەتى بىرلەسىپ ۇيىمداستىرعان.

پوليتسيا وق اتقان ازاماتتى سول جەردە اتىپ ءولتىردى. ديپلومات اۋىر وق جاراقاتتارى سالدارىنان قازا بولدى.

ءىستى تەرگەۋ بارىسىندا بۇگىنگى كۇنگە دەيىن بىرنەشە ادام قاماۋعا الىندى. ولاردىڭ اراسىندا Guru مەديا-توبىنىڭ باسشىسى حايرەددين ايدىنباش جانە كورمەنى ۇيىمداستىرۋشى مۇستافا تيمۋر وزكان بار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى