جىلدام پىسەتىن كەسپە قانشالىقتى زيان؟

ءبىراق الەم بويىنشا جىلىنا ونىڭ 44 ميلليارد قاپتاماسى پايدالانىلادى ەكەن. ول گاستريت، ينسۋلت جانە راك قاۋپىن جوعارىلاتا ما؟ زەرتتەۋلەر نە دەيتىنىن قاراستىرايىق. مۇنداي كەسپەنى ادەتتە مىنا ينگرەديەنتتەردەن دايىندايدى:

- جوعارى سۇرىپتى بيداي ۇنى؛

 - پالما مايى؛

- تۇرلەندىرىلگەن كراحمال؛

- تۇز؛

 - «ەمۋلگاتور» اسپازدىق قوسىمشاسى (سوربيت، سويا مايى، لەتسيتين) ؛

 - بالاۋىز؛

 - «پرەميكس» كەشەندى اسپازدىق قوسىمشاسى (كاربونات كاليي، گۋار شايىرى، پوليفوسفات ناتريي، ريبوفلاۆين) ؛

- كەپكەن تەڭىز ورامجاپىراعى؛

- دامدەۋىشتەر (قانت، اشىتقى سىعىندىسى، وسىمدىك پروتەينى، سويا تۇزدىعى ۇنتاعى) ؛

 - "بەتا- كاروتين" بوياعىشى.

ءسىبىر مەملەكەتتىك ۋنيۆەرسيتەتىنىڭ عالىمدارى ونىڭ قۇرامىنا ساراپتاما جۇرگىزدى. ونىڭ قۇرامىنداعى ءبيداي ۇنى سۇرىبىنىڭ ەش پايداسى جوق (ءبىراق اسا ءقاۋىپتى دە ەمەس) ءتۇرى بار ەكەن. ونىڭ كالورياسى وتە كوپ جانە ەشقانداي دارۋمەنى جوق. كەسپە كونسەرۆانتتار مەن ءدام كۇشەيتكىشتەردەن تۇرادى: كالي سورباتى، بەنزونات جانە گلۋتامات ناتريي. بۇل قوسپالاردى كوپ مولشەردە جەسە عانا زيانىن تيگىزەدى. پالما مايى دا ورىندى مولشەردە قولدانىلعاندىقتان، قاۋىپتى ەمەس. تۇرلەندىرىلگەن كراحمال گەندى ينجەنەرياعا تۇك قاتىسى جوق، ول ءتىپتى، بالالار تاعامىنا دا قولدانۋعا رۇقسات ەتىلەدى. ونى تاعامدى قويۋلاندىرۋعا قولدانادى. ال بالاۋىز -  وسىمدىك اقۋىزى، ول قاراپايىم ناندا دا بولادى. بۇل جىلدام پىسەتىن كەسپەنى ىشۋگە بولادى دەگەندى بىلدىرە مە؟

دەنساۋلىعى جاقسى ادامعا اندا- ساندا ىشۋگە بولادى. ول اسا قاۋىپتى ەمەس، ءبىراق ەش پايداسى دا جوق. سوندىقتان، ءاردايىم مۇنداي تاماق جەسەڭىز، اعزاعا قاجەتتى دارۋمەندەر جەتىسپەيتىن بولادى. سونىمەن قاتار، جاپون عالىمدارى ونىڭ قۇرامىنداعى ينگرەديەنتتەردىڭ تابيعي ەمەس ەكەنىن ەسكەرتتى. سول سەبەپتى، اسقازانعا ونى قورىتۋ اۋىرعا سوعادى. گارۆارد ساراپشىلارى وڭتۇستىك كورەياداعى ايەلدەردىڭ جۇرەك اۋرۋلارى مەن ينسۋلت قاۋپى جوعارى ەكەندىگىن انىقتادى. ولاردىڭ ويىنشا، كارىس ايەلدەر كەسپەنى وتە كوپ جەيدى. مۇنداي تاعامدى كىمدەرگە جەۋگە بولمايدى؟ اسقازان- ىشەك جولى، جۇرەك جانە بۇيرەك اۋرۋلارى بار ادامدارعا جىلدام دايىندالاتىن كەسپەنى جەۋگە بولمايدى. كەسپەنىڭ ءوزى ەمەس، سورپاسى زيان، سەبەبى ونىڭ اشى بۇرىشى مەن تۇزى كوپ. ماڭىزدى جىلدام پىسەتىن كەسپەنىڭ ماكارون ونىمىندە گيدروگەندى مايلار (گيدروگەنيزيروۆاننىە جيرى) بولۋى مۇمكىن. سولار اعزاعا ەڭ زياندى بولىپ سانالادى. الايدا ول بارلىعىنىڭ قۇرامىندا بولا بەرمەيدى. سوندىقتان، قۇرامىن وقىپ، ونىڭ جوق ەكەندىگىنە كوز جەتكىزىڭىز. گيدروگەندى مايلار -  سۇيىق نىعايتىلعان وسىمدىك مايلارى، ونى تۇرلەندىرگەندە ترانس- مايلار تۇزىلەدى. ال ول ءوز كەزەگىندە قان اينالىم ورگاندارىنىڭ اۋرۋىن تۋعىزۋ ءقاۋپىن جوعارىلاتادى. جىلدام پىسەتىن كەسپەنى جەمەۋگە 5 سەبەپ:

 1. تۇزدىڭ كوپتىگى. ول قىسىمنىڭ جوعارىلاۋىنا، ىسىككە جانە بۇيرەك اۋرۋلارى اۋرۋىنا اكەلۋى مۇمكىن.

 2. اشى دامدەۋىشتەردىڭ بولۋى. ولار گاستريتتىڭ پايدا بولۋىنا ىقپال ەتەدى.

 3. ءدام كۇشەيتكىشتىڭ بولۋى. ول اعزاعا قاجەت مولشەردەن ارتىق جەۋگە اپارادى.

 4. قىشقىلدىق رەتتەگىشتەردىڭ بولۋى. ولار كوپ مولشەردە بولسا، اسقازاننىڭ شىرىشتى قابىعىن تىتىركەندىرەدى.

 5. نەگىزگى ينگرەديەنت -  بيداي ۇنى. ول دۇرىس تاماقتانۋدى ۇستاناتىن ادامنىڭ نەگىزگى تاماعى بولا المايدى. جىلدام دايىندالاتىن كەسپە قاراپايىم ىستىق تاعامدى اۋىستىرا المايدى.

ەگەر ونى كۇندە جەيتىن بولساڭىز، اعزاعا ميكروەلەمەنتتەر مەن دارۋمەندەر جەتىسپەي، قانداي دا ءبىر اۋرۋعا اكەلەدى. جوعارىدا ايتىلعانداي، ونى كوپ مولشەردە جانە ءجيى جەيتىن بولساڭىز، ونىڭ قۇرامىنداعى ينگرەديەنتتەر اعزاعا ءوز زيانىن تيگىزەدى. باستىسى، ءمازىرىڭىزدىڭ ءبىرىنشى ورنىندا تابيعي ونىمدەر تۇرۋى كەرەك.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى