قازاقستان جەمقورلىققا قارسى مەملەكەتتەر توبىنا قوسىلماق
بۇل تۋرالى يتاليا استاناسى ريمدە وتكەن حالىقارالىق كونفەرەنسيا بارىسىندا ءمالىم بولدى. مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگى ءتوراعاسىنىڭ ورىنباسارى ولجاس بەكتەنوۆ گرەكو- عا مۇشە 57 ەلدىڭ وكىلىنە قازاقستاننىڭ جەمقورلىقپەن كۇرەستەگى تاجىريبەسىن تانىستىردى.
اتاپ ايتقاندا، قاراپايىم ازاماتتارعا كورسەتىلەتىن مەملەكەتتىك قىزمەتتەردىڭ ساندىق فورماتقا اۋىسۋىن ءتۇسىندىردى. سونىمەن قاتار قازىنا ەسەبىنەن ىستەلەتىن جۇمىستارعا سيفرلى قوعامدىق باقىلاۋ ورناتىلعانىن بايانداپ بەردى. ءبىزدىڭ ەل الداعى ەكى جىلدا ەلەكتروندىق قىزمەتتى 90 پايىزعا جەتكىزۋدى جوسپارلاپ وتىر. ايتا كەتەيىك، ەلىمىزدە جەمقورلىققا قارسى قۇرىلعان اقپاراتتىق - تەحنولوگيالىق جوبالار جاقسى ناتيجە بەرۋدە.
ولجاس بەكتەنوۆ، ق ر م ق ءى ج س ج ق ءىس- قيمىل اگەنتتىگى ءتوراعاسىنىڭ ورىنباسارى:
- ەۋروپا كەڭەسىنىڭ سىبايلاس جەمقورلىققا قارسى مەملەكەتتەر توبى قازاقستاننىڭ تاجىريبەسىن وتە جوعارى باعالادى. ءبىز بۇل كونفەرەنسيادا قوعامدىق باقىلاۋ كارتاسىنىڭ جوباسىن تانىستىردىق. سونىمەن قاتار وسى ەۋروپالىق الاڭدا قوعامدىق باقىلاۋدىڭ ينتەراكتيۆتى كارتاسى تانىستىرىلدى. بىزدەگى ءبىر تەرەزەسى قاعيداتى بويىنشا قىزمەت كورسەتۋ تاجىريبەسىنە كوپتەگەن ەل قىزىعۋشىلىق تانىتۋدا. قازاقستان الداعى ۋاقىتتا گرەكو ۇيىمىنا قوسىلۋدى جوسپارلاپ وتىر.
www.24.kz
