دزيۋدو: قازاقستاندىق تاشكەنتتەگى گران-پريدىڭ جۇلدەگەرى اتاندى
اسا اۋىر سالماقتا (100+ كەلى) كۇرەسكەن ەراسىل قولا جۇلدە ءۇشىن باسەكەدە وزبەكستاندىق يحتيور قالمۇراتوۆپەن تاتاميگە شىقتى.
زال تولى جانكۇيەرلەردىڭ وزبەكستاندىق دزيۋدوشىنى قولداعانىنا قاراماستان، ەراسىل ونى يپپون ادىسىمەن تازا جەڭدى.
وسىلايشا بيىل قازاق كۇرەسىنەن «قازاقستان بارىسى» تۋرنيرىنىڭ فينالىنا شىعىپ، كۇمىس جۇلدەنى قانجىعاسىنا بوكتەرگەن ە. قاجىبايەۆ دزيۋدودان گران-پري تۋرنيرىندە العاش رەت مەدالعا قول جەتكىزدى.
بۇل - وسى جارىستاعى قازاقستان قۇراماسىنىڭ قورجىنىنداعى ەكىنشى جۇلدە.
ەسكە سالا كەتەيىك، كەشە ديدار حامزانىڭ تاشكەنت تۋرنيرىندە التىننان القا تاققانىن جازعان بولاتىنبىز.
