ەرلان ساعاديەۆ «بولاشاقتىقتار» قانداي سالالاردا ەڭبەك ەتەتىنىن ايتتى
بۇل تۋرالى «بولاشاق» حالىقارالىق ستيپەندياسىنىڭ 25 جىلدىعىنا ارنالعان فورۋمدا ق ر ءبىلىم جانە عىلىم ءمينيسترى ەرلان ساعاديەۆ ايتتى، دەپ حابارلايدى قازاقپارات ءتىلشىسى.
«قازىرگى تاڭدا «بولاشاق» باعدارلاماسى بويىنشا 1100 ستيپەنديات وقىپ جاتىر. ءسوزسىز، شيرەك عاسىرلىق تاريحىندا «بولاشاق» ستيپەندياسى ءوزىنىڭ دامۋىنىڭ بىرنەشە كەزەڭىن باسىپ وتكەنى انىق. باعدارلامانىڭ نەگىزگى باعىتتارى مەن تالاپتارى ۋاقىت وتكەن سايىن جەتىلدىرىلىپ، ۇلتتىق ەكونوميكانىڭ قاجەتتىلىگىنە، مەملەكەتتىك ساياساتتىڭ باسىمدىعى مەن زاماننىڭ باعدارىنا قاراي بەيىمدەلە ءتۇستى. 25 جىلدىڭ ىشىندە «بولاشاق» - قازاقستاندىق ءبىلىمنىڭ تابىستى برەندىنە اينالدى. «بولاشاق» ستيپەندياسىنىڭ ناتيجەلىلىگىن حالىقارالىق ساراپشىلار دا ايرىقشا اتاپ وتۋدە. باعدارلامانىڭ تاجىريبەسى تەرەڭىرەك زەرتتەلىپ، وزگە ەلدەرگە ۇلگى بولارلىق دارەجەگە جەتتى. باعدارلامانىڭ اۋقىمدى سپەكترىنىڭ، دايارلىعىنىڭ باعىتى مەن ج و و گەوگرافياسىنىڭ ارقاسىندا «بولاشاق» ستيپەندياسى مايامي قالاسىندا وتكەن Going Global حالىقارالىق كونفەرەنتسياسىندا وزىنە ۇقساس 11 ستيپەنديانىڭ ۇزدىگى اتاندى»، - دەدى ەرلان ساعاديەۆ.
مينيستر ءوز سوزىندە «بولاشاق» ستيپەندياسىنىڭ ارقاسىندا بىلىكتىلىگى جوعارى مامانداردىڭ، كرەاتيۆتى عالىمدار مەن ينجەنەرلەردىڭ، دارىگەرلەر مەن باسقارۋشىلاردىڭ شوعىرى پايدا بولعانىن تىلگە تيەك ەتتى.
«جەتەكشى عىلىمي-ورتالىقتاردا ءبىلىم الۋدىڭ ارقاسىندا ستيپەندياتتار ەلىمىزگە الەمدىك تەحنولوگيالاردى اكەلۋگە، حالىقارالىق قارىم-قاتىناستاردى جولعا قويۋعا، حالىقارالىق قاۋىمداستىقتارعا ينتەگراتسيالانۋعا جول اشتى. ەكىنشى جاعىنان ستيپەنديا تۇلەكتەرى شەتەلدەگى قازاقستاننىڭ ايناسىنا جانە ەلشىسىنە اينالدى. «بولاشاق» ستيپەندياتتارىنىڭ ارقاسىندا الەم حالقى قازاقستاندى تاني ءتۇستى. بۇگىنگى تاڭدا بولاشاقتىقتار ءوز سالاسىنىڭ بىلىكتى جەتەكشىلەرى بولىپ وتىر. تۇلەكتەردىڭ 40 پايىزى ەكونوميكانىڭ ءتۇرلى سەكتورلارىندا ەڭبەك ەتسە، 20 پايىزى ءبىلىم جانە عىلىم سالاسىندا، 7 پايىزى مەديتسينا سالاسىندا ءجۇر. تۇلەكتەردىڭ تورتتەن ءبىرى ءىرى كومپانيالار مەن مەملەكەتتىك ۇيىمداردىڭ توپ-مەنەدجەرلەرى اتاندى. بولاشاقتىقتاردىڭ ۇلەسىندە جۇزدەگەن عىلىمي ەڭبەكتەر مەن ءىرى الەۋمەتتىك جوبالار بارشىلىق. «بولاشاق» ءوزىنىڭ تاريحي ميسسياسىن كەرەمەت ورىنداپ بەردى. الداعى ۋاقىتتا «بولاشاق» ستيپەندياسىنىڭ تۇلەكتەرى ەلىمىزدىڭ وركەندەۋىنە ءوز ۇلەسىن قوسا بەرەر دەگەن سەنىمدەمىن»، - دەدى ەرلان ساعاديەۆ.
مەملەكەتتىك حاتشىسى گۇلشارا ءابدىقالىقوۆا «بولاشاق» حالىقارالىق ستيپەندياسىنىڭ 25 جىلدىعىنا ارنالعان فورۋمدا پرەزيدەنت نۇرسۇلتان نازاربايەۆتىڭ ستيپەندياتتارعا جولداعان قۇتتىقتاۋ حاتىن وقىپ بەرگەن بولاتىن. ەلباسى ءوز سوزىندە اتاپ وتكەندەي، «بولاشاق» حالىقارالىق ستيپەندياسى دۇنيەجۇزىنە تانىلعان قازاقستاندىق برەندكە اينالدى.
