ەلىمىزدە تەك ۇزدىك وقۋشىلارعا ارنالعان سىنىپتار اشۋعا تىيىم سالىندى

مەكتەپتەگى سىنىپتار وقۋشىنىڭ دامۋ دەڭگەيىنە قاراي تاڭدالىپ، ءبىرىڭعاي ۇزدىكتەردەن قۇرالماۋى كەرەك.

بالا مەكتەپكە قابىلدانعان ۋاقىتتا اتا-اناسى نەمەسە وعان جاۋاپتى تۇلعا ءبىلىم ۇياسىنىڭ باسشىسىمەن كەلىسىمگە تۇرىپ، وقۋ ورداسى وقۋشىعا قاجەتتى ءبىلىم بەرۋ ءۇشىن ءتيىستى قىزمەت ءتۇرىن كورسەتۋگە مىندەتتەلەدى.

ارنايى كۇتىمدى قاجەت ەتەتىن بالالار ءۇشىن پەداگوگتىق-مدەيتسينالىق جانە پسيحيولوگيالىق كەڭەستەن وتكەننەن كەيىن عانا شەشىم قابىلدانادى.

اتا-انا نەمەسە اسىراپ الۋشى وزدەرى قالاعان كەز كەلگەن مەكتەپتى تاڭداۋعا قۇقىلى. ەگەر وندا بالانى قابىلداۋدان باس تارتسا، اتا-اناسى ءبىلىم باسقارماسىنا ارىزدانا الادى.

بارلىق بالالار 6 جاستان باستاپ وقۋعا كەلەدى. ءبىلىم ورداسى ولاردى دايىندىق دەڭگەيىنە قاراي قابىلدايدى.

مەكتەپكە قابىلدانۋ ءۇشىن تاپسىرىلاتىن قۇجاتتار ءتىزىمى:

- بالانىڭ اتا-اناسى نەمەسە وعان جاۋاپتى تۇلعادان ءوتىنىش؛

- تۋۋ تۋرالى كۋالىك كوشىرمەسى؛

- دەنساۋلىق ساقتاۋ مينيسترلىگى بەكىتكەن 026/ۋ-3 فورماسى بويىنشا دەنساۋلىق جاعدايى تۋرالى انىقتاما؛

- 063/ۋ فورماسى بويىنشا دەنساۋلىق جاعدايى تۋرالى انىقتاما؛

- 3x4 كولىمىندەگى ەكى دانا سۋرەت.

بالالاردى ءبىلىم ورداسىنا قابىلداۋ بويىنشا كوميسسيا 1- ماۋسىم مەن 30- تامىز ارالىعىندا، ءۇش اي بويى جۇمىس ىستەيدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى