ەرلەر مەن ايەلدەر كويلەگى تۇيمەسىنىڭ وڭ مەن سولعا تىگىلۋ سىرى
بۇل ايىرماشىلىقتىڭ سىرىن بىلەسىز بە؟ الدە ءمان بەرىپ كورمەگەن بە ەدىڭىز؟
ەرلەر كويلەگىندە تۇيمە وڭ جاققا، ايەلدەردە سول جاعىنا تىگىلەدى. مۇنى قالىپتاسقان تىگىن قاعيداسى رەتىندە قابىلداعانمەن، ديزاينەرلىك ۇلگى بولىپ سانالمايدى.
سەبەبى بۇلاي بولىپ تىگىلۋىنىڭ سىرى وزگە ءبىر وقيعامەن بايلانىستى. ەرلەر مەن ايەلدەر كويلەگىندەگى بۇل ايىرماشىلىق ⅩⅢ عاسىردان باستاۋ الادى ەكەن. سول كەزدە باي حانشايىمدار وزدەرىنە كۇتۋشى جالدايتىن بولعان. ولار ءوز حانشايىمدارىنا اس ازىرلەپ قانا قويماي، كيىندىرەتىن دە قىزمەت اتقارعان.
كۇتۋشىلەر پاتشايىمدارىن كيىندىرۋگە ىڭعايلى بولۋ ءۇشىن ولاردىڭ كويلەك تۇيمەلەرى سول جاعىنا تىگىلگەن. ال ەر ادامدار وزدەرى كيىنۋگە ىڭعايلى بولۋ ءۇشىن تۇيمەلەرى وڭ جاعىنا جاپسىرىلعان. ناتيجەسىندە بۇل ايىرماشىلىق سول ۋاقىتتان باستاپ قالىپ قويعان.
Massaget.kz
