ەۋرو وداق ەلدەرىندە پلاستيك بۇيىمدارىنا تىيىم سالىنۋى مۇمكىن

 ەۋروپارلامەنت دەپۋتاتتارىنىڭ باسىم بولىگى ءبىر رەتتىك پلاستيك بۇيىمدارىنا تىيىم سالۋعا داۋىس بەرگەن. ەندى وداققا مۇشە ەلدەردىڭ پارلامەنتتەرى ءتيىستى زاڭداردى قابىلداپ، ونى ەۋروكوميسسيا ماقۇلداۋى كەرەك. وسىدان كەيىن بۇل زاڭ كۇشىنە ەنەدى. ەكولوگتاردىڭ ەسەبىنشە، جىل سايىن ەۋرووداق اۋماعىنان مۇحيتقا شامامەن 100 مىڭ توننا پلاستيك تۇسەدى. ال ولاردىڭ ىدىراۋ مەرزىمى - ءجۇز جىل.

 فرەدەريكە ريە، ەۋرو پارلامەنت دەپۋتاتى:

 - 65 جىلدان كەم مەرزىمدە 8 ميلليارد توننا پلاستيك ونىدىرىلگەن، ونىڭ التى ميللياردى قالدىققا تۇسكەن. 4 ميللياردتان استامى ەۋروپادا شىعارىلعان. مۇحيتتارىمىز قوقىس ورنىنا اينالىپ، قۇرىپ بارادى.

 كارمەنۋ ۆەللا، ە و قورشاعان ورتا بويىنشا كوميسسارى:

 - نۇسقاۋ بەلگىلەنگەن ءبىر رەتىك پلاستيك بۇيىمدارىنا تىيىم سالۋعا باعىتتالعان. ولاردىڭ ورنىنا قولدانۋعا بولاتىن بالاما ونىمدەر بار جانە باعاسى دا قولجەتىمدى. ال ورنىن تولتىرۋعا كەلمەيتىن بۇيىمداردىڭ قولدانىلۋىن ەداۋىر ازايتۋىمىز كەرەك.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى