تورەعالي تورەالى اۋەجاي ىسىنەن ايىپپۇل تولەپ قۇتىلاتىن بولدى

«تەرگەۋ بارىسىندا ءاليحانوۆتىڭ (اۆت. تورەعالي) ارەكەتىنەن ەشقانداي قىلمىستىق بەلگى تابىلمادى. 16 - قازان كۇنى ءاليحانوۆتىڭ ۇستىنەن اكىمشىلىك قۇقىق بۇزۋشىلىق قۇقىق تۋرالى كودەكستىڭ ەكى بابى بويىنشا ءىس قوزعالدى»، - دەپ حابارلاندى باسپا ءسوز قىزمەتىنەن.

تورەعالي مەملەكەتتىك شەكارادان ءوتۋ ەرەجەسىن بۇزىپ، رۇقساتسىز وتكەنى ءۇشىن 5 ا ە ك، سونداي- اق، اۋەجاي اۋماعىندا رۇقساتسىز جۇرگەنى ءۇشىن 1 ا ە ك كولەمىندە ايىپپۇل تولەيدى.

«اكىمشىلىك ايىپپۇلدى 7 تاۋلىك ىشىندە تولەمەگەن جاعدايدا، جازانىڭ اۋىر ءتۇرى قولدانىلادى»، - دەيدى باسپا ءسوز قىزمەتىندەگىلەر.

ەسكە سالا كەتەيىك، قىركۇيەك ايىندا ورىن العان بۇل وقيعادا تورەعالي بيلەتسىز ۇشاق بورتىنا كىرىپ كەتكەن. ونەر يەسى ايەلى مەن بالالارىن شىعارىپ سالماقشى بولعان. سونىڭ كەسىرىنەن، الماتى- گونكونگ باعىتىنداعى ۇشاق جارتى ساعاتقا كەشىگىپ ۇشقان. كەيىننەن بۇل ىسكە جاۋاپتى 4 بىردەي قىزمەتكەرگە ايىپپۇل سالىندى. سونداي- اق، تورەعاليدىڭ ۇستىنەن قىلمىستىق ءىس قوزعالعانى ونىڭ ءبىر جىلعا دەيىن باس بوستاندىعىنان ايىرىلۋى مۇمكىن ەكەنىن حابارلاعان ەدىك.

Stan.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى