قازاقستاننىڭ مادەنيەت جانە سپورت ءمينيسترى گەننادي گولوۆكينگە حات جولدادى
گەننادي گولوۆكين مەن ساۋل الۆارەس اراسىندا لاس- ۆەگاستا (ا ق ش) وتكەن كەزەكتى جەكپە- جەگىن سان مىڭداعان قازاقستاندىق جانكۇيەرلەر كورىپ، ىشتەي تىلەۋلەس بولىپ وتىردى. العاشقى كەزدەسۋدە تەڭ تۇسكەن جەكپە- جەك، بۇل جولى الۆارەستىڭ جەڭىسىمەن اياقتالدى. تورەشىلەردىڭ باسىم كوپشىلىگى جەڭىستى مەكسيكالىق بوكسشىعا بەردى. بۇل گەننادي گولوۆكيننىڭ ءوز مانسابىنداعى العاشقى جەڭىلىسى.
ەستەرىڭىزگە سالايىق، بۇدان سوڭ، ساۋل ورتا سالماقتا WBA/WBC/IBO بەلبەۋلەرىنىڭ يەسى اتاندى.
قازاقستان حالقىنىڭ گەناعا دەگەن ماحابباتى ەش سۋىمايدى - مۇحامەدي ۇلىقر مادەنيەت جانە سپورت ءمينيسترى ارىستانبەك مۇحامەدي ۇلى گەننادي گولوۆكيندى قولداپ حات جولدادى.
«ق ر مادەنيەت جانە سپورت مينيسترلىگى جانە ءوز اتىمنان ساعان وسىنداي جارقىن كەزدەسۋىڭ ءۇشىن العىس بىلدىرگىم كەلەدى. سپورتتا بارلىعى مۇمكىن، جەڭىس پەن جەڭىلىس قاتار جۇرەدى. قازاقستان حالقىنىڭ ءوز باتىرى گەناعا دەگەن ماحابباتى ەش سۋىمايدى. سەن بۇكىل الەمگە قازاق بوكسىنىڭ الەۋەتىن دالەلدەدىڭ. بىزبەن بۇگىندە تەك اۋەسقوي رينگتە عانا ەمەس، سونداي- اق كاسىبي الاڭدا دا الەم بوكسشىلارى ساناسادى. سەنىڭ كاسىبي مانسابىڭدا جارقىن جەڭىستەر بولدى ءارى بولادى دا. سەن ءبىزدىڭ ماقتانىشىمىزسىڭ.
مەن ساعان زور دەنساۋلىق، وتباسىڭا بەرەكە مەن كاسىبي رينگتە بۇدان ءارى دە تابىستار تىلەيمىن!!!» ، - دەپ جازعان حاتىندا ارىستانبەك مۇحامەدي ۇلى.
