كاسىپقوي بوكس: جانىبەك ءالىمحان ۇلىنىڭ قارسىلاسى بەلگىلى بولدى

بوكسشىنىڭ PR- مەنەدجەرى بەرىك سۇلتاننىڭ حابارلاۋىنشا، وتانداسىمىز كاسىپقوي رينگتەگى ءۇشىنشى جەكپە-جەگىن 28- قىركۇيەك كۇنى امەريكانىڭ كاليفورنيا شتاتى وكلەند قالاسىندا وتكىزەدى. جانىبەكتىڭ قارسىلاسى - كولۋمبيالىق كارلوس گالۆان.

ايتا كەتەيىك، كارلوس گالۆان 2011-جىلى 30- قىركۇيەكتە العاش كاسىپقوي رينگكە شىعىپ، جالپى 24 كەزدەسۋ وتكىزگەن. 27 جاسار بوكسشى كاسىپقوي رينگتە 16 رەت جەڭىسكە جەتىپ، 15 قارسىلاسىن نوكاۋتقا جىبەرگەن، 7 جەكپە-جەكتە جەڭىلىپ، 1 رەت تەڭ تۇسكەن.

ەسكە سالا كەتەيىك، جانىبەك ءالىمحان ۇلى ۇستىمىزدەگى جىلدىڭ قاڭتار ايىندا ق ر ۇلتتىق قۇراماسىنداعى مانسابىنىڭ اياقتالعانىن جاريالاعان بولاتىن. كەيىننەن كاسىپقوي بوكسقا ءبىرجولا بەت بۇرعانى بەلگىلى بولدى.

ارادا كوپ وتپەي ونىڭ بەلگىلى پروموۋتەر بوب ارۋمنىڭ «Top Rank» كومپانياسىمەن كەلىسىمشارت جاساسقانى حابارلاندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى