استانادا ۇزدىك اسكەري ۇشقىشتار ماراپاتتالدى
سالتاناتتى شاراعا ق ر قورعانىس ءمينيسترى نۇرلان ەرمەكبايەۆ، حالىق قاھارمانى، اۆياتسيا گەنەرال-مايورى توقتار اۋباكىروۆ، اۆياتسيا گەنەرال-لەيتەنانتى الەكساندر سوروكين، اۆياتسيا گەنەرال-لەيتەنانتى نۇرلان ورمانبەتوۆ، اۆياتسيا گەنەرال-مايورى مۇحامەدجان ىبىرايەۆ، اۆياتسيا گەنەرال-مايورى جيەنتاي ساندىبايەۆ، گەنەرال-مايور ۆلاديمير بوندارەنكو، پولكوۆنيك سۇندەتقالي جانىكەيەۆ، پولكوۆنيك مۇحامەدقالي قازامبايەۆ، قارۋلى كۇشتەردىڭ ارداگەرلەرى جانە اسكەري قىزمەتكەرلەر قاتىستى.
اۋە قورعانىسى كۇشتەرى - تەحنيكا جانە قارۋ-جاراقپەن جابدىقتالۋى جاعىنان قارۋلى كۇشتەردىڭ ەڭ ۇتقىر جانە جوعارى تەحنولوگيالىق ءتۇرى. اۆياتسيالىق پارك جىل سايىن كەز كەلگەن مەتەوجاعدايلاردا كۇندىز جانە تۇندە قويىلعان تاپسىرمالاردى ورىنداۋعا قابىلەتتى جاڭا ۇشۋ اپپاراتتارى جانە اۋە شابۋىلىنا قارسى قورعانىس قۇرالدارىمەن تولىعۋدا.
كۇن سايىن اۋە قورعانىسى كۇشتەرىنىڭ جەكە قۇرامى ءوزىنىڭ اسكەري شەبەرلىگىن شىڭداپ، ءارتۇرلى وقۋ-جاتتىعۋلاردا، حالىقارالىق ارميا ويىندارىندا وزدەرىنىڭ مۇمكىندىكتەرىن پاش ەتۋدە، وقۋ-جاۋىنگەرلىك تاپسىرمالاردى ورىنداۋ كەزىندە ۇلگىلى ماشىقتارىن كورسەتە وتىرىپ، جاۋىنگەرلىك كەزەكشىلىكتى ساپالى اتقارۋدا. اۋە قورعانىسى كۇشتەرىنىڭ اسكەري قىزمەتشىلەرى ەگەمەندى قازاقستاننىڭ اۋە كەڭىستىگى مەن ونىڭ اۋماقتىق تۇتاستىعىن سەنىمدى قورعاپ ءجۇر.
تاجىريبەلى ارداگەرلەر مەن جاس ۇشقىشتار پيلوتاجداۋدىڭ جوعارى شەبەرلىگىن، ۇشۋ ەكيپاجدارىنىڭ ۇيلەسىمدىلىگىن، اۆياتور جاۋىنگەرلەردىڭ ۇرپاق ساباقتاستىعىن پاش ەتۋدە.
بۇل اتاۋلى كۇنى اناعۇرلىم ەرەكشەلەنگەن اسكەري قىزمەتشىلەر 1- جانە Ⅱ دارەجەلى «ەل قورعانى» مەدالدارىمەن، قۇرمەت گراموتالارى جانە العىس حاتتارمەن ماراپاتتالدى.
