ەلوردادا «التىن جەبە» حالىقارالىق ساداقشىلار تۋرنيرى وتەدى

 بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا ءمالىم بولدى.

 ق ر مادەنيەت جانە سپورت مينيسترلىگىنىڭ قولداۋىمەن جانە ۇلتتىق سپورت قاۋىمداستىعىنىڭ ۇيىمداستىرۋىمەن وسىمەن ەكىنشى رەت وتەتىن ايتۋلى شاراعا 11 ەلدىڭ وكىلدەرى قاتىسادى. اتاپ ايتقاندا، و ا ر، گەرمانيا، وڭتۇستىك كورەيا، تۇركيا، بولگاريا، موڭعوليا، رەسەي، قىرعىزستان، رۋمىنيا، ۆەنگريا جانە قازاقستان.

 «ەرتەڭ ەلوردا تورىندەІІ  «التىن جەبە» حالىقارالىق تۋرنيرى باستالادى. ساداقشىلار باسەكەسىنە 11 مەملەكەتتەن 25 مەرگەن قاتىسادى. جارىستىڭ بيىلعى جۇلدە قورى - 4 ميلليون تەڭگە، باس بايگەگە 2 ميلليون تەڭگەگە جۋىق اقشا تاعايىندالدى، - دەدى ۇلتتىق سپورت قاۋىمداستىعىنىڭ پرەزيدەنتى بەكبولات تىلەۋحان.

«التىن جەبە» تۋرنيرىنىڭ ەرەكشەلىگى - ساداقشىلاردىڭ بارلىعى نىسانانى ات ۇستىنەن كوزدەپ اتادى. ەكى كۇنگە سوزىلاتىن ساداقشىلار سايىسى ءۇش كەزەڭنەن تۇرادى: «شاپشاڭ اتۋ»، «قالقان اتۋ» جانە «جامبى اتۋ».

 مەرگەندەر جارىسى استانادا «قازانات» يپپودرومىندا 30-31 - تامىز كۇندەرى وتەدى.

اۆتور: داۋلەت ىزتىلەۋ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى