قاراعاندىداعى مەكتەپكە احمەت بايتۇرسىنوۆتىڭ ەسىمى بەرىلدى

ءبىلىم وشاعىنا الاش ارداقتىسىنىڭ ەسىمىن بەرۋ قر ۇكىمەتىنىڭ 11- تامىز 2018-جىلعى 500№ قاۋلىسىمەن بەكىتىلدى.

«قاراعاندى قالاسىنىڭ اكىمدىگى «قاراعاندى قالاسىنىڭ ءبىلىم ءبولىمى» مەملەكەتتىك مەكەمەسىنىڭ «41№جالپى ءبىلىم بەرەتىن مەكتەپ» مەملەكەتتىك كوممۋنالدىق مەكەمەسىنە احمەت بايتۇرسىن ۇلىنىڭ ەسىمى بەرىلسىن»، - دەلىنگەن قۇجاتتا.

احمەت بايتۇرسىنوۆ (1872-1937) - قازاقتىڭ قوعام جانە مەلەكەت قايراتكەرى، الاش پارتياسىنىڭ مۇشەسى، اعارتۋشى، عالىم-لينگۆيست، ادەبيەتتانۋشى، تۇركىتانۋشى، اۋدارماشى. قازاق ءتىل ءبىلىمى مەن ادەبيەتىنىڭ نەگىزىن قالاۋشىلاردىڭ ءبىرى. 1895-1909-جىلدارى اقتوبە، قوستاناي قالالارىندا ورىس-قازاق مەكتەپتەرىندە مۇعالىم بولىپ قىزمەت ەتكەن، قارقارالى قالالىق ۋچيليشەسىن باسقارعان. اسسر ءبىلىم حالىق كوميسسارى بولدى.

ستاليندىك رەجيمنىڭ قۇربانى بولىپ، الاشوردا مۇشەلەرىمەن بىرگە رەپرەسسياعا ۇشىرادى. 1929-جىلى بايتۇرسىنوۆ تۇتقىندالىپ، ارحانگەلسك وبلىسىنا قۋعىندالدى. ودان كەيىن ونى كونترريەۆوليۋتسيالىق قىزمەتكە قاتىسى بار دەپ ايىپتادى. 1937-جىلى اتىلدى جانە 1988-جىلى اقتالدى.

قاراعاندى قالاسىنىڭ 41№ ج ب م 1964-جىلى 1- قىركۇيەكتە اشىلعان. قازىبەك ءبي اۋدانى اۋماعىندا نۇركەن ءابدىروۆ كوشەسى بويىندا ورنالاسقان. قازاق تىلىندە ءبىلىم بەرەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى