جىلىوي اۋدانىنىڭ جاستارى بوكسشى قانات يسلاممەن كەزدەستى
جىلىوي اۋدانىنىڭ اكىمى ازامات بەكەتتىڭ شاقىرتۋىمەن سالتانات سارايىندا وتكەن ەركىن فورماتتاعى جيىن جاستارعا ارنايى ۇيىمداستىرىلدى.
«قازىرگى كەزدە جاستاردىڭ بوس ۋاقىتى كوپ. ونى ءتيىمدى پايدالانۋ ءۇشىن نە ىستەۋ كەرەك؟ جاستارعا ۇلگى بولىپ، اقىل ايتار كىم بار؟ دەگەندە ەڭ الدىمەن ولار قانات يسلامنىڭ كەلگەنىن قالادى. بۇگىن سول اۋدان جاستارىنىڭ ءوتىنىشىن ورىنداپ، قازاقتىڭ باتىرىنا اينالعان قانات يسلامدى ارنايى شاقىرتتىم»، - دەدى اۋدان اكىمى ا. بەكەت.
كەزدەسۋ بارىسىندا بوكسشى ءوزىنىڭ ءومىر جولى تۋرالى، كەزدەستىرگەن قيىندىقتار مەن ولاردى جەڭۋ جولدارى جايىندا كەڭىرەك ايتىپ كەتتى. ودان بولەك، كوپتەگەن سۇراقتار قويىلىپ، ءتىپتى قانات اعالارىنا ارناپ اۋدان جاستارى جىر جولدارىن ارنادى.
