اباي تۇتىنعان شكاف سىر وڭىرىنە قالاي كەلدى
قۇندى جادىگەر سىر وڭىرىنە قالاي جەتتى؟ الدىمەن وسى جونىندە اڭگىمەلەي كەتەلىك. شكافتى مۋزەيگە اتالمىش اۋدان ورتالىعى - تەرەڭوزەك كەنتىنە جاقىن ورىن تەپكەن ا. توقماعانبەتوۆ اۋىلىنىڭ تۇرعىنى احمەتبەك ىسكەندىروۆ تابىس ەتكەن ەكەن. باعالى جادىگەر العاشقىدا قۇنانبايدىڭ تۋىسى تۇرعان ەسىمدى كىسىگە بەرىلگەن. ول ءوزىنىڭ اۋىلىنا توركىندەپ بارعاندا وعان قازاقتىڭ ويشىل اقىنى - اباي ەستەلىك رەتىندە اتالمىش شكافتى تارتۋ ەتەدى.
«ودان كەيىنگى كەزەڭدە ول كىسى قىز بوسانىپ، وعان ابايدىڭ اجەسى - زەرەنىڭ ەسىمىن قويادى. زەرە بوي جەتىپ، بەرىدە سىر وڭىرىنە كەلىن بولىپ تۇسەدى. ول قازىر اسقار اۋىلىندا تۇرىپ جاتىر. كەلىن بولىپ تۇسكەندە وعان جاساۋ رەتىندە وسى شكاف تا وزىمەن بىرگە كەلەدى» ، - دەيدى اۋداندىق ولكەتانۋ مۋزەيىنىڭ ماماندارى.
احمەتبەك ىسكەندىروۆتىڭ ايتۋىنشا، زەرە وعان ناعاشى اجە بولىپ كەلەدى. ياعني، اناسىنىڭ شەشەسى ەكەن. كونەنىڭ كوزىندەي دۇنيە وسىلايشا احمەتبەك ىسكەندىروۆتىڭ وتباسىنا تيەدى. قانشاما جىلدار بويى كوزىنىڭ قاراشىعىنداي ساقتاپ كەلگەن دۇنيەنى ول كىسى بەرىدە اۋداندىق ولكەتانۋ مۋزەيىنە تابىس ەتىپ، حالىقتىڭ قىزىعا تاماشالايتىن قۇندى جادىگەرىنىڭ بىرىنە اينالدى.
10 - تامىزدا اباي قۇنانبايەۆتىڭ ومىرگە كەلگەنىنە 173 جىل تولادى. اتاۋلى كۇندە مۋزەي ماماندارى ارنايى ءىس- شارالار وتكىزۋدى داستۇرگە اينالدىرعان.
