ب ا ق: ماسكەۋدەگى ا ق ش ەلشىلىگىندە رەسەي تىڭشىسى جۇمىس ىستەگەن
مالىمەت بويىنشا، رەسەيلىك ايەل تىڭشىلىقپەن اينالىسقان بولۋى مۇمكىن. باسىلىم ديپلوماتيالىق ميسسيا قىزمەتكەرىنىڭ اتى-ءجونى مەن ونىڭ لاۋازىمىن جاريالامادى.
بولجام بويىنشا، ايەلدى جۇمىسقا ا ق ش قۇپيا قىزمەتى العان. قىزمەتكەرگە ەلشىلىكتىڭ ىشكى كومپيۋتەرلىك جەلىسى مەن ەلەكتروندىق پوشتاسىنا كىرۋگە رۇقسات بەرىلگەن. The Guardian تىڭشى قۇپيا اقپاراتتارعا، ونىڭ ىشىندە ا ق ش پرەزيدەنتى دونالد ترامپ پەن ۆيتسە-پرەزيدەنت مايك پەنستىڭ جۇمىس كەستەسى تۋرالى اقپارات الىپ وتىرعان بولۋى ىقتيمال.
2016-جىلى ا ق ش ەلشىلىگى جانىنداعى قاۋىپسىزدىك قىزمەتى ايماقتىق ءبولىمىنىڭ تەرگەۋشىلەرى اتالعان قىزمەتكەردىڭ رەسەي فەدەرالدىق قاۋىپسىزدىك قىزمەتى (ف س ب) وكىلدەرىمەن ءجيى كەزدەسىپ جۇرگەنىن بايقاعان. The Guardian ا ق ش قۇپيا قىزمەتى بەدەلىنە نۇقسان كەلمەۋى ءۇشىن رەسەيلىك قىزمەتكەردى كوپشىلىككە جاريا ەتپەستەن جۇمىستان شىعارعانىن جازدى.
قىزمەتكەر 2017-جىلى رەسەيدەن امەريكالىق ديپلوماتتار جاپپاي شىعارىلاتىننىڭ الدىندا جۇمىستان بوساتىلعان.
