اقتاۋدا تەڭىز جاعالاۋلارى اباتتاندىرىلىپ جاتىر
بۇل جاعالاۋ شاھار حالقى ءۇشىن قولجەتىمدى. مۇنداعى كەيبىر جەر تەلىمدەرى كەزىندە جەكەگە ساتىلىپ كەتكەن. ەندى ولار مەملەكەت مەنشىگىنە قايتارىلادى. وسى اۋماقتا تۇرعان جەكەلەگەن كەشەندەردىڭ قۇرىلىسقا كەدەرگى كەلتىرمەۋى دە قاراستىرىلادى. ولاردىڭ قاتارىندا وڭىردەگى جالعىز ياحتا- كلۋب پەن شيپاجاي دا بار. قازىر قالانىڭ سولتۇستىك بولىگىن اباتتاندىرۋعا باسىمدىق بەرىلگەن. مۇندا كوپشىلىككە ارنالعان مادەني دەمالىس كەشەندەرى، ويىن الاڭدارى مەن دالا ساحناسى بوي كوتەرمەك. بۇل جۇمىستار تامىز ايىنىڭ باسىندا اياقتالادى.
سەرگەي كۋلكين، اقتاۋ ياحتا- كلۋبىنىڭ كوماندورى:
- ايماقتاعى بىرەگەي ياحتا- كلۋب ايگىلى «مىس» مۇيىسىندە ورنالاسقان. وڭىرگە كەلەتىن ساياحاتتاۋشىلار قالانىڭ باستى كورنەكتى ورىندارىنىڭ ءبىرى رەتىندە بىزگە كەلەدى. وسى تۇرعىدان كلۋبتى باسقا جەرگە كوشىرۋ تۋرالى جوسپارىمىز جوق. مىسالى، رەسەيدەگى سيەۆاستوپول قالاسىن الايىق. ول جەردە ءبىز سەكىلدى ياحتا- كلۋبتارى شاھار شەتىندە ەمەس، ءدال ورتاسىندا تۇر. ياعني تۋريستەرمەن قاتار قالا تۇرعىندارىنىڭ دا سۇيىكتى ورنىنا اينالعان.
www.24.kz
