ساعىنتايەۆ ءۇش وبلىستى دامىتۋعا قاتىستى كەڭەس وتكىزدى
كەڭەس بارىسىندا قوستاناي، پاۆلودار جانە سولتۇستىك قازاقستان وبلىستارى اكىمدىكتەرىنىڭ جوبالىق باسقارۋ باعىتتارى تۇرعىسىنان ءىس- شارالاردى ورىنداۋ جانە ينديكاتورلارعا قول جەتكىزۋ بويىنشا 2018 -جىلدىڭ ەكىنشى جارتىجىلدىعىنا ارنالعان جوسپارلارى جانە ءبىرىنشى جارتىجىلدىقتا اتقارىلعان جۇمىستاردىڭ الدىن- الا قورىتىندىلارى تالقىلاندى.
قوستاناي وبلىسىنىڭ اكىمى ا. مۇحامبەتوۆ، پاۆلودار وبلىسىنىڭ اكىمى ب. باقاۋوۆ جانە سولتۇستىك قازاقستان وبلىسىنىڭ اكىمى ق. اقساقالوۆ وڭىرلەردىڭ نەگىزگى الەۋمەتتىك- ەكونوميكالىق كورسەتكىشتەرىمەن تانىستىرىپ، كولىك جانە لوگيستيكانى، اوك، ءبىلىم بەرۋ، دەنساۋلىق ساقتاۋ سالالارىن، تۋريزمدى، ساۋدانى، جاپپاي كاسىپكەرلىكتى دامىتۋ، سونداي- اق، بازالىق يندۋستريالاندىرۋدى جۇرگىزۋ، ينۆەستيتسيالار تارتۋ جانە ءونىمدى جۇمىسپەن قامتۋ ماسەلەلەرى جونىندە باياندادى.
اكىمدەر وزدەرىنىڭ سوزدەرىندە ەكونوميكالىق ءوسىمنىڭ جاڭا مودەلىن قالىپتاستىرۋ بويىنشا قابىلدانىپ جاتقان شارالارعا باسا نازار اۋداردى.
