استانادا «ەرەكشە كۆارتال» سالۋ قاجەت - شەتەلدىك ساۋلەتشىلەر
«استانادا شەتەلدىك ساۋلەتشىلەر جوبالاعان عيماراتتاردا اۆتورلاردىڭ قازاقستاندىق مادەنيەتپەن بايلانىس ىزدەگەنىن كورۋگە بولادى. سونداي عيماراتتاردىڭ ءبىرى دالا گۇلىن ەسكە تۇسىرەدى. ودان بولەك، جەرگىلىكتى ساۋلەتشىلەرمەن سەرىكتەستىكتىڭ ورناتىلۋى ماڭىزدى»، - دەدى ق ر مادەنيەت جانە سپورت مينيسترلىگىندە وتكەن باسپا ءسوز ءماسليحاتىندا ب ۇ ۇ ساراپشى- ساۋلەتشىسى يستەلياننا اتاناسوۆا.
ول قازاقستان استاناسىنىڭ تۇرعىنداردىڭ قالاۋى بويىنشا داميتىنىن اتاپ ءوتتى.
«بۇل ورايدا، الەم قالالارىنىڭ الدىندا تۇرعان سىن- قاتەرلەر جونىندە ايتقىم كەلەدى: استانا ءۇشىن ءوز تۇرعىندارىمەن جانە جەرگىلىكتى بيلىكپەن تىعىز قارىم- قاتىناستا بولۋ ماڭىزدى دەر ەدىم. سەبەبى، قالالار تۇرعىنداردىڭ قالاۋىمەن تۇرعىزىلۋى ءتيىس. استانا - عاجايىپ قالا، ەگەر ادامدارعا ىڭعايلى بولىپ دامي تۇسسە، ودان دا عاجاپ قالاعا اينالادى»، - دەيدى ي. اتاناسوۆا.
استانادا «ەرەكشە كۆارتال» سالۋ قاجەت - شەتەلدىك ساۋلەتشىلەر ءوز كەزەگىندە ۇلى بريتانيالىق ساۋلەتشى كريستيان مەيل استانانىڭ وزىنە عانا ءتان ەرەكشە كۆارتال سالىنۋى قاجەت دەگەن ۇسىنىس ءبىلدىردى.
«استانادا قىزىقتى نىساندار جەتكىلىكتى، ءوز ساپارىمىزدا قالانىڭ قالاي جوسپارلانعانىن تاماشالادىق. مەن استانانىڭ وزىنە عانا ءتان شاعىن اۋدان سالۋدى ۇسىنار ەدىم. بۇل اۋدان قازىرگى استاناداعى نىسانداردى بىرىكتىرۋى ءتيىس»، - دەدى ساۋلەتشى.
مىسال رەتىندە كريستيان مەيل ەۋروپا ەلدەرىن اتاپ ءوتتى.
استانادا «ەرەكشە كۆارتال» سالۋ قاجەت - شەتەلدىك ساۋلەتشىلەر«الەمنىڭ كوپتەگەن قالالارى وزىنە ءتان كۆارتالدارمەن تانىمال - لوندوندا گرۋزين كۆارتالى بولسا، پاريجدە تانىمال جەلەكجول بار. استانانىڭ دا وزىنە عانا ءتان ءبىر نىسانى بولۋى كەرەك»، - دەپ ۇسىنىس ءبىلدىردى ك. مەيل.
ايتا كەتەيىك، حالىقارالىق ساۋلەتشىلەر كونگرەسى 16 - شىلدە كۇنى استانادا ءوتتى. وعان تاياۋ جانە قيىر شىعىس ساۋلەتشىلەرى، قازاقستان وڭىرلەرىنىڭ ساۋلەتشىلەرى جانە كاسىپكەرلەر قاتىستى.
اۆتور: ايجان سەرىكجان قىزى
