عالىمدار ۇزاق ءومىر ءسۇرۋدىڭ قۇپياسىن ايتتى
بۇل تۇجىرىمدى انگليا ۋنيۆەرسيتەتىنىڭ عالىمدارى راستاپ وتىر، - دەپ حابارلايدى ريا نوۆوستيە urekalert اقپارات پورتالىنا سىلتەمە جاساپ.
«ءبىزدىڭ باقىلاۋىمىزشا ۋاقىتىن تازا اۋادا وتكىزەتىندەردىڭ دەنساۋلىعى، دالاعا مۇلدەم شىقپايتىندارعا قاراعاندا ايتارلىقتاي جاقسى. تازا اۋادا سەرۋەندەۋدىڭ ەڭ ءبىر ارتىقشىلىعى ەكىنشى توپتاعى قانت ديابەتىنىڭ اسقىنداۋىن، جۇرەك- قان تامىرى اۋرۋلارىن، مەزگىلسىز ءولىم مەن ەرتە تۋۋ قاۋپىنەن ساقتاپ، وعان قوسا ۇيقىڭىز تىنىش بولادى» ، - دەيدى عالىمدار.
ساراپشىلاردىڭ ايتۋىنشا، سونىمەن قاتار، تازا اۋادا سەرۋەندەۋ ۋايىمنان ساقتاپ، قان اينالىمىن جاقسارتىپ، جۇرەك سوعۋ جيىلىگى جانە جالپى دەنساۋلىق كورسەتكىشتەرى دۇرىستالادى. «جاسىل تابيعاتتىڭ اراسىندا ءومىر سۇرەتىن ادامدارىدىڭ فيزيكالىق تۇردە بەلەسەندى بولۋىنا بارلىق مۇمكىندىك بار. وعان قوسا، تابيعاتتا ءومىر سۇرەتىن ءتۇرلى باكتەريالاردىڭ ادام اعزاسىنا ءتيىمدى اسەر بەرىپ، يممۋنيتەتتى جوعارىلاتادى»، - دەيدى عالىمدار.
ماماندار كوشەدە سەرۋەندەۋدىڭ دەنساۋلىققا جاقسى اسەر ەتۋىن فيتونتسيدتەرمەن بايلانىستىرىپ وتىر. ول - وسىمدىكتەر مەن باكتەريالار ارقىلى قالىپتاساتىن بيولوگيالىق زات. عالىمداردىڭ پىكىرىنشە، تازا اۋادا بولۋ ءتۇرلى اۋرۋلاردىڭ الدىن الىپ، ءتىپتى بالامالى ەمدەۋدى نەمەسە پرەپاراتتى ەمدەۋدىڭ الدىن الادى.
