ەلىمىزدەگى ءىرى كاسىپورىندار رەكوردتىق كولەمدە ءونىم ءوندىردى

  دەپ حابارلايدى قازاقپارات finprom.kz سايتىنا سىلتەمە جاساپ.

ەسەپتى كەزەڭدە قازاقستاننىڭ ءىرى كاسىپورىندارى ونىمدەر مەن قىزمەتتەر شىعارۋ كولەمىن 2017 -جىلدىڭ سايكەس كەزەڭىمەن سالىستىرعاندا 24,3 پايىزعا ارتتىردى. ولار 5,6 تريلليون تەڭگەگە ونىمدەر مەن قىزمەتتەر ءوندىردى.

اعىمداعى جىلدىڭ قاڭتار- ناۋرىزىنداعى ءوندىرىس كولەمىنىڭ باسىم بولىگى تاۋ- كەن ءوندىرۋ ونەركاسىبىنە (2,2 تريلليون تەڭگە، بارلىق سالاداعى ۇلەسى 31,7 پايىز)، وڭدەۋ ونەركاسىبىنە (1,3 تريلليون تەڭگە، 19,3 پايىز) جانە كولىك- لوگيستيكا سەكتورىنا (977,4 ميلليارد تەڭگە، 14 پايىز) تيەسىلى. باستى ۇشتىك سالا وندىرگەن تاۋارلار مەن قىزمەتتەردىڭ جالپى كولەمى 4,5 تريلليون تەڭگەنى قۇرادى.

 وندىرىلگەن ونىمدەر مەن قىزمەتتەر وسىمىمەن بىرگە اعىمداعى جىلدىڭ 1 - توقسانىندا ءوندىرىستىڭ وزىندىك قۇنى دا 15,4 پايىز نەمەسە 781,4 ميلليارد تەڭگەگە ارتتى.

 تولىقتاي العاندا، اعىمداعى جىلدىڭ ءبىرىنشى توقسانىنىڭ قورىتىندىسىندا ءىرى كاسىپورىنداردىڭ كىرىسى 12,1 تريلليون تەڭگەگە جەتىپ وتىر. بۇل وتكەن جىلدىڭ سايكەس كەزەڭىندەگى كورسەتكىشتەن شيرەك ەسە ارتىق. قازاقستاننىڭ ءىرى بيزنەسىنىڭ جيىنتىق جالپى كىرىسى وسى جىلدىڭ قاڭتار- ناۋرىزىندا 3,7 تريلليون تەڭگەنى قۇرادى. ول وسىدان ءبىر جىل بۇرىنعى توقسانداعى كورسەتكىشتەن 23,9 پايىزعا نەمەسە 3 تريلليون تەڭگەگە كوپ.

 جالپى كىرىس كولەمى بويىنشا اتىراۋ وبلىسى كوش باسىندا كەلەدى. ءوڭىر كىرىس كولەمىن 37,3 پايىزعا ارتتىرىپ، 1,2 تريلليون تەڭگەگە جەتكىزىپ وتىر. مۇنداي جايت ەڭ الدىمەن مۇناي كەن ورىندارىنىڭ شوعىرلانۋىمەن جانە وڭىردە مۇنايدى ءوندىرۋ مەن وڭدەۋگە بايلانىستى. الماتى مەن استانا دا كوشباسشىلار قاتارىندا. بۇل وڭىرلەردەگى جالپى كىرىس كولەمى سايكەسىنشە 587,8 ميلليارد تەڭگەنى (ءوسىم 17,7 پايىز) جانە 353,5 ميلليارد تەڭگەنى (11,3 پايىز) قۇرادى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى