تاتارستان پرەزيدەنتى قازاقستانداعى تاتارلارعا: انا ءتىلىن قازاق ءتىلى ارقىلى ۇيرەنىڭىزدەر
«قازاق ءتىلىن بىلەتىن ادام تاتار ءتىلىن دە بىلەدى دەگەن ءسوز. مەن تاتار ءتىلىن بىلەمىن جانە قازاق ارىپتەستەرىممەن اۋدارماشىسىز سويلەسەمىن. قازاق ءتىلىن جاقسىلاپ ۇيرەنىڭىزدەر، قازاقستاندا وعان قيىندىق جوق. سول ارقىلى تاتار ءتىلىن مەڭگەرىپ الاسىزدار» دەدى ول تاتار دياسپوراسىنىڭ وكىلدەرىنە.
رەسەيدە وتكەن جىلى بايىرعى ۇلتتار تۇراتىن «ەتنيكالىق» ايماقتاردا مەكتەپتەردە انا تىلىندە وقىتۋ ماسەلەسى كوتەرىلە باستاعان. رەسەيدىڭ ۇلتتىق رەسپۋبليكالارىندا ءتىل ماسەلەسىنە قاتىستى داۋ رەسەي پرەزيدەنتى ۆلاديمير پۋتين 2017 -جىلى جازدا بوتەن ءتىلدى ماجبۇرلەپ وقىتۋعا بولمايتىنىن مالىمدەگەن سوڭ ءورشي تۇسكەن. وسىدان كەيىن مەملەكەتتىك ءتىل مارتەبەسىنە يە بولعان تاتارستاندا تاتار ءتىلى، باشقۇرتستاندا باشقۇرت تىلىندە وقىتۋ مىندەتتى بولماي قالعان.
19 - ماۋسىمدا مەملەكەتتىك دۋما رەسەي رەسپۋبليكالارىندا مەملەكەتتىك تىلدەردى «تاڭداۋ بويىنشا» وقىتۋدى ۇسىناتىن «ءبىلىم بەرۋ تۋرالى» زاڭعا وزگەرىستەردى العاشقى وقىلىمدا ماقۇلداعان.
www.azattyq.org
