قىرعىز پرەزيدەنتى تۇركى اكادەمياسىنىڭ باسشىسى دارحان قىدىرالىنى قابىلدادى
كەزدەسۋگە تۇركى اكادەمياسىنىڭ وكىلى، پروفەسسور قادىرالى قونقوبايەۆ قاتىستى. بۇل تۋرالى قىرعىز پرەزيدەنتتىنىڭ سايتى حابارلادى.
قىرعىز باسشىسى تۇركى اكادەمياسى تۇركىتىلدەس حالىقتاردىڭ رۋحاني مۇراسىن، شىعارماشىلىق جانە ونەر قۇندىلىقتارىن زەرتتەۋ، دارىپتەۋ باعىتتارىندا ۇلكەن جۇمىستار اتقارىپ جاتقانىن اتاپ ايتتى.
«قىرعىز حالقىنىڭ رۋحاني مۇرالارىن زەرتتەپ ونى تۇركى تىلدەس حالىقتار اراسىندا تانىتۋ ماقساتىندا جاساپ جاتقان ەڭبەكتەرىڭىز ريزاشىلىق تۋعىزادى. «ماناس» ەپوستىق جىرى مەن ايگىلى جازۋشى شىڭعىس ايتماتوۆتىڭ ۇزدىك ادەبي تۋىندىلارىن جاريالاۋداعى سىزدەردىڭ ەڭبەكتەرىڭىز تۇركى تىلدەس حالىقتاردىڭ رۋحاني جاقىنداسۋىنا زور ىقپالىن تيگىزەدى» ، - دەدى سوورونباي جەەنبەكوۆ.
تۇركى اكادەمياسىنىڭ پرەزيدەنتى پاريجدەگى يۋنەسكو- نىڭ شتاب- پاتەرىندە. استانا، بىشكەك جانە تاشكەنت قالالارىندا شىڭعىس ايتماتوۆتىڭ 90 جىلدىعىنا وراي ەڭبەكتەر جارىق كورىپ، ارنايى كونفەرەنسيالار اشىلعانىن، «ماناس» ەپوسى، قىرعىز ادەبيەتى جانە ونىڭ تاريحىنا بايلانىستى ءىس- شارالار ءوتىپ جاتقانى تۋرالى ايتتى.
«تۇركى اكادەمياسى حالىقارالىق ۇيىم رەتىندە قىرعىز ەلىندە وتەتىن بارلىق ءىس- شارالارعا اتسالىسىپ، مىندەتتى تۇردە قاتىساتىن بولادى. ءبىزدىڭ ماقساتىمىز - تۇركى الەمىن بارلىق سالالاردا، اسىرەسە، عىلىمي باعىتتا بىرىكتىرۋ» ، - دەدى دارحان ءقىدىرالى.
سونداي- اق، دارحان قىدىرالى مەن تۇركى اكادەمياسىنىڭ وكىلى، پروفەسسور قادىرالى قونقوبايەۆ قىرعىز باسشىسىن ەپوستىڭ بىرنەشە نۇسقادا اراب قارپىمەن جازىلعان قولجازبالارىمەن تانىستىردى. جانە سوورونباي جەەنبەكوۆكە التايدا 3000 مەتر بيىكتىكتە تابىلىپ، جاڭاشا قالىپقا كەلتىرىلگەن قىل قىياق اسپابىن سىيعا تارتتى.
قىرعىز پرەزيدەنتى قوناقتارعا زور العىسىن ءبىلدىرىپ قانا قويماي، قولجازبانى جاساۋعا جان- جاقتى كومەك كورسەتەتىنىن جانە قىل قىياق اسپابى بىشكەك قالاسىنىڭ تاريحي مۋزەيىنە جەتكىزىلەتىنىن ايتتى.
