ۇلت ۇستازى ا. بايتۇرسىن ۇلى دۇنيەگە كەلگەن ءۇي قالپىنا كەلتىرىلدى
ا. بايتۇرسىن ۇلى اۋىلىنىڭ جانىندا كونە قورىم بار. سازدان سوعىلعان قورشاۋلار ابدەن ۇگىتىلىپ بىتكەن. ا. بايتۇرسىن ۇلىنىڭ تۋىستارى جەرلەنگەن ءبىر عاسىر بۇرىنعى زيراتتار دا بىرتە- بىرتە جەمىرىلۋدە. مولادان ءبىر شاقىرىمداي جەردە، اقكول جانە ا. بايتۇرسىن ۇلى اۋىلدارىنىڭ اراسىندا كىشىگىرىم ءۇي بار. كونەكوز قارتتاردىڭ ايتۋىنشا، سول جەردە 1872 -جىلعى 5 قىركۇيەكتە «الاش» پارتياسىنىڭ وكىلى، قازاقتىڭ ۇلى عالىمى ءارى اعارتۋشى احمەت بايتۇرسىن ۇلى دۇنيەگە كەلگەن.
ول كەزدەرى مۇندا سارىتۇبەك اۋىلى وتىرعان.
«اتا- بابالارىمىزدىڭ ايتۋىنشا، احمەت بايتۇرسىن ۇلى تۋعان ءۇي قاز- قالپىندا ساقتالعان. كەڭەستىك كەزەڭدە وسىندا قونىستانعان كەڭشاردىڭ باقتاشىلارى دا ونى بارىنشا ساقتاعان. ءبىراق كەيىن ءۇي بۇزىلىپ كەتتى. ەكى اۋىلدىڭ جاستارى ءۇيدى باياعى ءپىشىنى بويىنشا قالپىنا كەلتىردى»، - دەپ حابارلايدى اقكول اۋىلىنىڭ اكىمى بالعاباي قاليەۆ.
ءۇيدى ساقتالىپ قالعان ىرگەتاسىنىڭ ارقاسىندا قالپىنا كەلتىرۋ مۇمكىن بولدى. مۇندا بار بولعانى ەكى بولمە بار، ولارعا ورتاق ءبىر پەش سالىنعان. ەندى ۇيدە كىشىگىرىم مۋزەي دە بار. مۋزەيدى نەگىزىنەن مەكتەپ وقۋشىلارى كەلىپ تاماشالايدى.
بيىل ءۇيدى كۇردەلى جوندەۋ تۋرالى شەشىم قابىلدانىپ، وعان 11 ميلليون تەڭگە مولشەرىندە قاراجات ءبولىندى.
