بايقوڭىر عارىش ايلاعىنىڭ قىزمەتكەرلەرىنە الەۋمەتتىك جەلىلەردى پايدالانۋعا تىيىم سالىندى
باسشىلىق اقپاراتتاردىڭ تارالۋىنىڭ الدىن-الۋ ءۇشىن كومپانيا قىزمەتكەرلەرىنە وسىنداي تالاپ قويدى.
بۇل تۋرالى عارىش ايلاعىنىڭ ديرەكتورى ەۆگەني راكوۆسكيدىڭ بۇيرىعىندا ايتىلدى، دەپ حابارلايدى Stan.kz اقپاراتتىق اگەنتتىگى ر ي ا نوۆوستيعا سىلتەپ.
«رەسمي اقپاراتتاردىڭ تارالىپ كەتۋىن بولدىرماۋ، سونداي-اق ەڭبەك ءتارتىبىن كۇشەيتۋ ماقساتىندا فيليال قىزمەتكەرلەرىنە جۇمىس ۋاقىتىندا الەۋمەتتىك جەلىلەرگە جانە جىلدام حابار الماسۋ جۇيەلەرىنە كىرۋ ءۇشىن ۇيالى تەلەفوندارى مەن پلانشەتتەرىن قولدانۋعا تىيىم سالىنادى»، - دەلىنگەن قۇجاتتا.
اتالعان قۇجاتتا الەۋمەتتىك جەلىلەردىڭ ءتىزىمى، سونداي-اق جەدەل حابارشىلاردىڭ اتاۋلارى دا كورسەتىلگەن. جاڭا ەرەجەگە ساي، عارىش ايلاعىنىڭ ديرەكتورى قىزمەتتىك حات الماسۋ ءۇشىن جۇمىسشىلارعا كورپوراتيۆتىك ەلەكتروندىق پوشتا قىزمەتىن پايدالانۋدى تالاپ ەتتى.
