استانادا حالىق ءبيى انسامبلدەرىنىڭ حالىقارالىق فەستيۆالى وتەدى

شارا ق ر حالىق ءارتيسى، كەڭەستىك جانە قازاقستاندىق بالەت ءارتيسى جانە زاۋىربەك رايبايەۆتى ەسكە الۋعا ارنالعان. ەلوردانىڭ 20 جىلدىعىنا ارنالعان شاراعا وزىندىك ءستيلى مەن ورىنداۋ تەحنيكاسى قالىپتاسقان كاسىپقوي ۇجىمدار قاتىسادى.

اتاپ ايتقاندا، ورالدىق «نازەركە»، قىزىلوردالىق «توميريس»، تالدىقورعاندىق «التىناي»، پاۆلودارلىق «نۇر» انسامبلدەرى، سونداي-اق التاي ولكەسىنەن كەلگەن قوناقتار «وگونكي»، باشقۇرتستاندىق «ستەرليتامدىق مەملەكەتتىك حالىق ءبيى ءانسامبلى»، جانە ت. ب. قاتىسادى.

بۇدان باسقا، «شاشۋ» فەستيۆالىندە استانا قالاسى اكىمدىگىنىڭ مەملەكەتتىك اكادەميالىق فيلارمونياسىنىڭ «شالقىما» حالىق ءبيى ءانسامبلى ءوز ونەرىن ورتاعا سالادى. ۇجىمنىڭ كوركەمدىك جەتەكشىسى مادەنيەت قايراتكەرى ءابدىراسۋل ەسەكەيەۆ.

شارانى استانا قالاسىنىڭ مادەنيەت جانە سپورت باسقارماسى، ەلوردالىق فيلارمونيا ۇيىمداستىرادى.

فەستيۆال شىمىلدىعى 29- ماۋسىمدا ساعات 19.00-دە قالالىق الاڭدا اشىلادى. وعان «شالقىما» حالىق ءبيى ءانسامبلى قاتىسادى. كەلەسى كۇنى الاڭدا ساعات 18.00 دەن 20.00 گە دەيىن قوناقتار بارلىق ۇجىمداردىڭ قاتىسۋىمەن وتەتىن ەكى ساعاتتىق «ءبي الەمى» كونسەرتىن تاماشالايدى. «شاشۋ» فەستيۆالى 1- شىلدەدە امفيتەاتردا «ءبي شاشۋ» گالا- كونسەرتىمەن جابىلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى