دارا، ليۋتنيا، كاۆال - اقىسقا تۇرىكتەرىنىڭ كونە مۇرالارى
«ءبىز قازاقستان تەرريتورياسىندا 70 جىلدان بەرى تىرشىلىك ەتىپ كەلەمىز. ارعى بابالارىمىز گرۋزيادان جەر اۋدارىلعان وسمان تۇركىلەرى. كورمەگە قويىلعان ەكسپوناتتاردى ءبىزدىڭ اتا-بابامىز 500 جىل بۇرىن قولدانعان. ۇرپاقتان-ۇرپاققا بەرىلىپ، بۇگىنگە دەيىن ساقتالعان جادىگەرلەردى جيناۋعا مەن دە ءوز ۇلەسىمدى قوستىم» - دەيدى «اقىسقا» تۇرىك ەتنومادەني ورتالىعىنىڭ مادەنيەت كوميتەتى باسشىسىنىڭ ورىنباسارى زارينا ابباسوۆا.
داراق اتالاتىن مىنا ەكسپونات زارينانىڭ اجەسىنەن قالعان. قوي، ەشكىلەردى قىرىققان كەزدە، نازو اجەي وسى قۇرال ارقىلى ءجۇن وڭدەگەن ەكەن. سودان كەيىن مىنا ۇرشىقپەن ءجۇندى ءجىپ ەتىپ يىرگەن.
زارينانىڭ ايتۋىنشا، تۇرمىستىق قۇرالدار قولدانىستان شىعىپ قالعاندىقتان، كورمەگە تاپسىرعان.
داراق پەن ۇرشىق (ءبىر سۋرەتتە)
كاۆال ۇلتتىق مۋزىكالىق اسپابى تۇركى حالىقتارىنا تيەسلى. ال ليۋتنيا اسپابىن ايەلدەر عانا قولدانادى. بۇل اسپاپتا ەجەلدە گارەمدەگى ايەلدەر ويناعان.
كاۆال مەن ليۋتنيا بىرگە
وسمان يمپەرياسىنىڭ تۇسىندا تۇرمىستىق جابدىقتاردا قىزعالداق گۇلى بەينەلەنگەن. زارينانىڭ ايتۋىنشا، قىزعالداقتىڭ وتانى - گوللانديا ەمەس، ەڭ العاش شىققان جەرى كونستانتينوپل ، ەجەلگى ۆيزانتيا مەملەكەتى ەكەن.
جاستىق، قۋىرشاق ءبارى بىرگە
مىناۋ 19-عاسىردىڭ سوڭى 20-عاسىردىڭ باسىندا ەر جىگىتتەر كيگەن ۇلتتىق كيىم.
ال مىناۋ تۇركى قىزدارىنىڭ تۇرمىس قۇرعاندا كيەتىن ۇلتتىق كيىمى. كويلەكتىڭ استىنان «شاراۆار» ياعني، شالبار كيۋ تۇركىلەردە ۇلتتىق ءۇردىس سانالعان. ال قىزىل ءتۇس ۇزاتىلاتىن بويجەتكەننىڭ پاكتىگى مەن تازالىعىن بىلدىرگەن.
قىزىل كيىم.
كۇمىس بەلدىك سالت بويىنشا ەنەسىنەن كەلىنىنە بەرىلگەن. وتباسىلىق قۇندىلىقتى بىلدىرەتىن بۇيىمدى ۇيلەنۋ تويىندا جاڭا تۇسكەن كەلىن بەلىنە تاققان.
قانجار ايەلدەردىڭ قارۋى بولعان. مۇنى وزدەرىن قورعاۋ ماقساتىندا ەمەس، اۋىر جۇمىستار اتقارعاندا قاجەتىنە جاراتقان.
بەلدىك، قانجار.
الماتى مۋزەيىنىڭ اعا عىلىمي قىزمەتكەرى قوجاحانوۆا قۇرالايدىڭ ايتۋىنشا، وسىعان دەيىن وسەتين، قىرىم- تاتارلارى، بۋرياتتار، اۋعان، شەشەن، ينگۋش ەتنوس وكىلدەرىنىڭ كورمەسى وتكەن.
«اسسامبلەيا قىزمەتى ەتنوسارالىق قاتىناستار ماسەلەلەرىن ءتيىمدى شەشىپ كەلە جاتىر. بۇگىندە رەسپۋبليكامىزدا قازاقستان ەتنوستارىنىڭ مادەنيەتتەر، تىلدەرى داستۇرلەرىنىڭ دامۋىنا قاجەتتى جاڭعايلار جاسالعان. سونىڭ ءبىرى «ەل بىرلىگى - دوستىقتا» اتتى الماتى مۋزەيىندە اي سايىن ءار ۇلتتىڭ كورمەسىن وتكىزەمىز»، - دەدى قۇرالاي قوجاحانوۆا.
