بيىل قازاقستاندا قانشا ماشينا قۇراستىرىلادى؟

«وتكەن جىلى 19,5 مىڭ اۆتوموبيل شىعارىلدى. ال 2018-جىلدىڭ 4 ايىنىڭ وزىندە 9 مىڭ اۆتوموبيل شىعارىلىپ وتىر. ال بيىلعى جىلى وتاندىق وندىرۋشىلەردىڭ جوسپارىندا شامامەن 35 مىڭ كولىك شىعارۋ بار»، - دەدى ول.

ونىڭ دەرەگىنشە، وتكەن جىلى قازاقستاندا قۇراستىرىلعان 1,5 مىڭ اۆتوموبيل قىتاي نارىعىنا شىعارىلعان.

«قازىر ەكسپورتتىق الەۋەتتى ۇلعايتۋ ماسەلەسى مەن ىنتالاندىرۋ شارالارى تالقىلانىپ جاتىر. بۇگىندە بۇل باعىتتا ۇكىمەت جۇمىس ىستەۋدە. بىزدە اۆتوموبيلدى ءبىرىڭعاي ساتىپ الۋ ۇيىمداستىرىلعان. ەندىگى ۋاقىتتا مەملەكەتتىك ورگاندار اۆتوموبيلدەردى جەكە ساتىپ الا المايدى. الداعى ۋاقىتتا تەك وتاندىق اۆوموبيلدەرگە باسىمدىق بەرىلەتىن بولادى»، - دەدى الماس باتانوۆ.

سونىمەن قاتار ول ەلىمىزدەگى ەلەكترتەحنيكالىق ماشينا جاساۋ سالاسىنداعى احۋالعا دا توقتالدى.

«ەلەكترتەحنيكالىق ماشينا جاساۋعا قاتىستى ايتار بولسام، وندا ول ءوندىرىستىڭ تۇراقتى ديناميكاسىمەن سيپاتتالادى. ماشينا جاساۋدىڭ باسقا سالالارىمەن سالىستىرعاندا ءبىرشاما شەكتەۋلى. ونىڭ ۇلەسى 12 پايىزدى قۇرايدى. قازىرگى ۋاقىتتا سەكتوردىڭ ءىرى ويىنشىلارى وزدەرىنىڭ ءوندىرىس كولەمىن ارتتىرا تۇسۋدە. ماسەلەن، «قاينار - ا ك ب» اككۋمۋلياتور جاساپ، ونى ەكسپورتقا شىعارىپ جاتىر. Alageum Electric ا ق ترانسفورماتور شىعاراتىن 4-زاۋىت سالۋدا جانە ءوندىرىسىن سولتۇستىك قازاقستان مەن ەلىمىزدەن تىسقارى جەرلەردە دە دامىتۋدى جوسپارلاپ وتىر»، - دەدى كوميتەت باسشىسى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى