ءاربىر ادام ماڭىزدى: استانادا ەسىرتكى ماسەلەسىنە ارنالعان فوتوكورمە اشىلدى
فوتوكورمە ەسىرتكى قولدانۋدىڭ كۇردەلى تۇرلەرىن سيپاتتايدى، تابىسى ورتاشا نەمەسە تومەن ەلدەردەگى ەسىرتكىگە تاۋەلدىلىكتى ەمدەۋدىڭ قيىنشىلىقتارى مەن توسقاۋىلدارىن كورسەتە وتىرىپ، ەسىرتكى قولدانۋعا اكەلىپ سوعاتىن ءار ءتۇرلى جاعدايدى ايشىقتاپ، ادامداردىڭ تاۋەلدىلىكتى قالاي اۋىزدىقتايتىنىن جانە تاۋەلدىلىكتەن ارىلعاننان كەيىن ومىرلەرى قالاي وزگەرەتىنىن كورسەتەدى.
«دەرتتەن ەمدەلۋ تۋرالى حيكايالار دەنساۋلىق ساقتاۋ جۇيەسىنىڭ كومەگىمەن ادامنىڭ ناشاقورلىققا تاۋەلدىلىكتى قالاي جەڭۋگە بولاتىنىن ىشتەي تۇسىنۋگە مۇمكىندىك بەرەدى. ادامدار ومىرىنەن الىنعان اتالمىش وقيعالار ەمدەۋ مەن كۇتىمنىڭ ماڭىزدىعىن دالەلدەيدى جانە الەمدەگى ەسىرتكى ماسەلەسىن شەشۋگە اتسالىسۋعا شاقىرادى»، - دەدى فوتوكورمەنىڭ اۆتورى، بەلگىلى سۋرەتشى نيك دانزيگەر.
ايتا كەتسەك، سوڭعى الەمدەگى ەسىرتكى بايانداماسىنا سايكەس (2017) ەسىرتكى تاۋەلدىلىگى بار التى ناۋقاستىڭ تەك بىرەۋى عانا ەمدەۋ قىزمەتتەرىنە قول جەتكىزە الادى.
WHO، UNODS جانە UNAIDS (UNODC، 2017) ۇسىنعان %20-40 ۇلەسپەن سالىستىرعاندا، قازاقستاندا 2016 -جىلى ەسەپتە تۇرعان اپيىن ەسىرتكىسىنە تاۋەلدى ازاماتتاردىڭ تەك %0, 23 عانا ءدارى- دارمەك پەن دەمەۋشى ەمگە قول جەتكىزە الدى، ال ب د ۇ، ب ۇ ۇ ن ق ب جانە يۋنيسەد بولسا %20-40 قامتۋدى ۇسىنادى (ب ۇ ۇ ن ق ب، 2017).
فوتوكورمەنىڭ اشىلۋ سالتاناتىنا اۆتوردان وزگە ب ۇ ۇ ن ق ب جانە USAID وكىلدەرى، قازاقستاننىڭ وڭىرلەرىنەن الماستىرىلىمدى تەراپيانى قولدايتىن پاتسيەنتتەر، قازاقستانداعى ادام قۇقىقتارى جونىندەگى ۋاكىل وكىلدەرى قاتىستى. فوتوكورمە 26 -ماۋسىمنان 3 -شىلدەگە دەيىن سوزىلادى.
