بىشكەك ەكس-مەرىن قاماۋ مەرزىمى ۇزارتىلدى

بۇعان دەيىن كۋلماتوۆتىڭ ادۆوكاتى سەرگەي سلەساريەۆ ونىڭ 28- ماۋسىمعا دەيىن قاماۋعا الىنعانىن حابارلاعان ەدى. ءبىراق ۇلتتىق قاۋىپسىزدىك مەملەكەتتىك كوميتەتى (ۇ ق م ك) 5- ماۋسىمدا كۋلماتوۆ ەكى ايعا قامالعانىن حابارلاعان.

18- ماۋسىمدا كۋلماتوۆ سىبايلاس جەمقورلىق قىلمىسىن جاسادى دەگەن كۇدىككە ءىلىنىپ، ۇيىندە ءتىنۋ جۇرگىزىلگەن، مۇلكىنە ارەست سالىنعان.

تەرگەۋ بولجامىنشا، كۋلماتوۆ 2014-جىلى بىشكەك مەرى بولىپ تۇرعانىندا بىشكەك جىلۋ-ەلەكتر ستانتسياسىن مودەرنيزاتسيالاۋ جوباسى اياسىندا قىتايلىق TBEA كومپانياسى ايماقتا ەكى مەكتەپ سالۋعا گرانت رەتىندە بولگەن ەكى ميلليون دوللار قارجىنى زاڭسىز جۇمساعان.

ماۋسىمدا كۋلماتوۆتىڭ ۇستىنەن «شەكارانى زاڭسىز كەسىپ ءوتۋ»، «مەملەكەتتىك قۇجات، ناگرادا، ءمور جانە بلانكىلەردى قولدان جاساۋ، وتكىزۋ نەمەسە پايدالانۋ» ايىپتارى بويىنشا ەكىنشى ءىس قوزعالعان. تەرگەۋشىلەر كۋلماتوۆ 1996-جىلى رەسەي ازاماتى بولا تۇرىپ، قىرعىزستان ازاماتتىعىن زاڭسىز العانىن ايتادى.

كۋلماتوۆتىڭ ءوزى تاعىلعان ايىپتارمەن كەلىسپەيدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى