ەلىمىزدەگى ەڭ ارزان جولاقى - تۇركىستاندا

«جولاۋشى» كومپانياسىنىڭ باس ديرەكتورى راحىم تاڭىربەرگەنوۆتىڭ سوزىنشە، قازىر قالاداعى قوعامدىق كولىكتەر جول اقىسىنا بار بولعانى 40 تەڭگەدەن الادى. ال، 5-سىنىپقا دەيىنگى وقۋشىلار تەگىن تاسىمالدانادى.

«2007-جىلعا دەيىن جولاقى 10 تەڭگە بولىپ كەلگەن. 2016-جىلعا دەيىن 20 تەڭگە بولدى. ودان كەيىن قالالىق ءماسليحاتتىڭ دەپۋتاتتارى بىزگە 50 تەڭگە قىلىپ بەكىتىپ بەرگەن. الايدا ءبىز 40 تەڭگەمەن ۇستاپ وتىرمىز. سەبەبى، قىمباتتاتساق حالىقتىڭ تۇرمىستىق جاعدايىنا اسەر ەتەدى. سوندىقتان ءبىز حالىققا «قاناتىمەن سۋ سەپكەن قارلىعاش» سياقتى از دا بولسا، قاراسايىق دەپ شەشتىك. ەگەر كۇندەلىكتى ءبىر ۇيدەن بەس ادام اۆتوبۋسقا مىنەتىن بولسا، ءبىز جولاقىنى ۇنەمدەۋ ەسەبىنەن سول ۇيگە 5-6 بولكە نان قالدىرىپ وتىرمىز دەگەن ءسوز»، - دەيدى راحىم تاڭىربەرگەنوۆ.

بۇگىندە وبلىس ورتالىعىنا اينالعان قالاداعى كولىك قاتىناسىن رەتتەۋ «جولاۋشى» جاۋاپكەرشىلىگى شەكتەۋلى سەرىكتەستىگىنە جۇكتەلگەن. سەرىكتەستىك باسشىلارى باعانى كوتەرۋدى ەمەس، حالىققا ساپالى قىزمەت كورسەتۋدى كوزدەيتىنىن ايتادى. مۇنداي جەڭىلدىكتەرگە قالا تۇرعىندارى دا ءدان ريزا. الداعى كەزدە دە قالىپتاسقان باعانىڭ ساقتالىپ قالاتىنىنا سەنىمدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى