قازاقستانعا ءۇندىستاندىقتار كوپ ساياحاتتاپ كەلۋدە

جۇمىس ناتيجەلەرى ق ر ۇلتتىق ەكونوميكا مينيسترلىگى ستاتيستيكا كوميتەتىنىڭ دەرەكتەرى نەگىزىندە جاسالعان.

جىلدىڭ ءبىرىنشى توقسانىندا قازاقستانعا كەلگەن شەتەلدىكتەر سانى 1,78 ميلليون ادامدى قۇرادى، ياعني 2017-جىلدىڭ سايكەس كەزەڭىمەن سالىستىرعاندا %29,4 ءوسىم بار.

«Kazakh Tourism» ۇلتتىق كومپانياسىنىڭ پىكىرىنشە، بۇل ورايدا بارلىق مەملەكەت اراسىنان ءۇندىستاندى ەرەكشە اتاپ وتۋگە بولادى. سەبەبى، 2018-جىلدىڭ العاشقى ءۇش ايىندا قازاقستانعا كەلگەن تۋريستەردىڭ %68 ءۇندىستاندىقتار. سونداي-اق، ەلىمىزدە پولشا (%35)، يران (%12)، گەرمانيا جانە وڭتۇستىك كورەيا (%7) تۋريستەرى كوبەيىپ كەلەدى.

ەل ىشىندە ساياحاتتاۋدى قالايتىن قازاقستاندىقتاردىڭ سانى %6,8 ارتىپ، 1 ميلليون 86 مىڭ ادامدى قۇراعان.

تۋريزم يندۋسترياسىنىڭ نەگىزگى كورسەتكىشتەرىنىڭ ءبىرى جاتاتىن ورىنمەن (قوناق ۇيلەر، دەمالىس ۇيلەر، موتەلدەر، بالالار لاگەرلەرى، تۋريستىك بازالار جانە باسقالارى) قامتۋ قىزمەتىنىڭ كولەمى بولىپ سانالادى. ۇلتتىق كومپانيا مالىمەتتەرىنە سايكەس، 2018-جىلدىڭ قاڭتار-ناۋرىز ايلارىندا 2017-جىلعى كەزەڭمەن سالىستىرعاندا ءبىر ميللياردتان استام تەڭگەگە قىزمەت كورسەتىلگەن. ناتيجەسىندە بۇل كورسەتكىش 19,1 ميلليارد تەڭگەگە جەتكەن. بۇل تاۋەلسىز قازاقستاننىڭ بارلىق كەزەڭىندەگى ەڭ جاقسى ناتيجە، دەپ اتاپ ءوتتى «Kazakh Tourism» ۇلتتىق كومپانياسى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى