دومبىرا-ينفورم: «ەگەمەن قازاقستان» قازاقپاراتتىڭ باستاماسىن قابىل الدى

«ەگەمەن قازاقستان» باسىلىمىنىڭ باسقارما ءتوراعاسى دارحىن قىدىرالى فەيسبۋك جەلىسىندە ۆيدەو جاريالادى. ۆيدەونىڭ استىنا «قازاقپارات» حالىقارالىق اگەنتىگىندەگى ارىپتەستەرىمىز #ۇلتتىق دومبىرا كۇنىنە وراي اق تىلەك، كەڭ پەيىلمەن ارناۋ ارناپ، ەستافەتانى ءبىزدىڭ #ەگەمەن قازاقستان گازەتىنە جولداعان ەدى. بىزدىكىلەر دە قاراپ قالماي، ءداستۇرلى رۋحاني تىزبەكتى ءارى قاراي جالعاپ، ۇلتتىق ارناداعى ارىپتەستەرگە جولدادىق. ال، قابىل الىڭىزدار! راۋان قايدار مەن ۇلاربەك نۇرعالىمنىڭ تارتۋى»، - دەپ جازعان.

ايتا كەتەيىك، «قازاقپارات» حالىقارالىق اقپارات اگەنتىگىنىڭ قىزمەتكەرلەرى ۇلتتىق دومبىرا كۇنى قارساڭىندا ارىپتەستەرىن Dombyra-ينفورمعا شاقىرعان بولاتىن.

مۇنداعى ماقسات مەملەكەت باسشىسى جاريالاعان ۇلتتىق دومبىرا كۇنى مەرەكەسىنە ۇلەس قوسۋ.

اگەنتتىكتىڭ شىعارۋشى رەداكتورى ەربول جانات پەن ءتىلشى ايان ورىبايەۆ اقپاراتتى دومبىرا ارقىلى حالىققا ۇسىندى. ەكى جارىم مينۋتتىق شاعىن روليكتە اقپاراتتى ولەڭمەن ورنەكتەگەن اگەنتتىكتىڭ قىزمەتكەرلەرى ىزگى باستامانى باسقا دا جۋرناليست ارىپتەستەرىنە جولداعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى