جۇبانوۆتار اۋەنى فەستيۆالى: جەڭىمپازدار بەلگىلى بولدى
اقتوبە قالاسىندا «جۇبانوۆتار اۋەنى - 2018» حالىقارالىق حور فەستيۆالى ءوتتى. وعان قازاقستان مەن رەسەيدىڭ ۇزدىك حور ۇجىمدارى قاتىسىپ، عازيزا جۇبانوۆا مەن احمەت جۇبانوۆتىڭ تۋىندىلارىن ورىندادى.
فەستيۆال كەزىندە سارسكوسەلسكي كامەرالىق حورى، ورىنبور كامەرالىق حورى، ا. شنيتكە اتىنداعى وبلىستىق فيلارمونيانىڭ حور مۋزىكاسى تەاترى، قۇرمانعازى اتىنداعى قازاق ۇلتتىق كونسەرۆاتورياسىنىڭ «كامەرتون» حور ۇجىمى، د. نۇرپەيىسوۆا اتىنداعى حالىقتىق مۋزىكا اكادەمياسى جانىنداعى مۋزىكالىق كوللەدجدىڭ ارالاس حورى، قىزىلوردا قالاسىنىڭ گۋمانيتارلىق كوللەدجىنىڭ «ياپىراي» ارالاس حورى، ع. جۇبانوۆا اتىنداعى وبلىستىق فيلارمونيانىڭ قازاق كامەرالىق حورى باق سىنادى.
كونكۋرس قورىتىندىسى بويىنشا گران- پري مەن 500 مىڭ تەڭگە كولەمىندەگى سىيلىق اقتوبەدەگى قازاق كامەرالىق حورى ۇجىمىنا بەرىلدى. ا. شنيتكە اتىنداعى وبلىستىق فيلارمونيانىڭ حور مۋزىكاسى تەاترى (ساراتوۆ قالاسى، رەسەي) مەن «پەتەربۋرگسكيە سەرەنادى» تسارسكوسەلسكيي كامەرالىق حورى ءى دارەجەدەگى لاۋرەات جانە 400 مىڭ تەڭگە كولەمىندەگى سىيلىقتى يەلەندى. ال ا. جۇبانوۆ شىعارمالارىنىڭ ۇزدىك ورىنداۋشىسى نوميناتسياسىن ورىنبور كامەرالىق حورى جانە ا. شنيتكە اتىنداعى وبلىستىق فيلارمونيانىڭ حور مۋزىكاسى تەاترى جەڭىپ الدى.
«جارقىن دەبيۋت» نوميناتسياسىندا د. نۇرپەيىسوۆا اتىنداعى حالىقتىق مۋزىكا اكادەمياسى جانىنداعى مۋزىكالىق كوللەدجدىڭ ارالاس حورىنىڭ جەتەكشىسى بايمۇقاتوۆ ايبول ماراپاتتالدى. «پەتەربۋرگسكيە سەرەنادى» تسارسكوسەلسكيي كامەرالىق حورىنىڭ جەتەكشىسى ەگور لوسيەۆ ۇزدىك ديريجەر دەپ تانىلدى.
