قىتايدا اۆتوتيەگىش جۇرگىزۋشىسى ءبىر توپ ادامدى قاعىپ كەتتى

سالدارىنان ءبىر ادام قازا بولىپ، 10-نان اسا ادام زارداپ شەكتى، - دەپ حابارلايدى ريا نوۆوستي.

وقيعا استانا ۋاقىتىمەن 10:20 شاماسىندا يانتاي قالاسىندا بولدى. جيفۋ اۋدانىنداعى قوعامدىق كولىكتىڭ سوڭعى ستانسيالارىنىڭ ءبىرىنىڭ ماڭىندا جۇك تيەۋ ماشيناسى ادامداردى قاعىپ كەتكەن. سالدارىنان ءبىر ادام وقيعا ورنىندا مەرت بولىپ، 10-نان اسا ادام ءتۇرلى جاراقات العان.

جاقىن ارادا ورنالاسقان كولىكتەرگە دە زاقىم تيگەن. «قاقتىعىستى توقتاتۋ ءساتسىز اياقتالعاننان كەيىن، پوليتسيا قىزمەتكەرلەرى كۇدىكتىنى اتۋعا تۋرا كەلدى»، - دەلىنگەن حابارلامادا. العان جاراقاتىنان جۇرگىزۋشى قازا تاپتى. كۇدىكتى حيلۇڭجياڭ پروۆينسياسىنىڭ 45 جاستاعى تۇرعىنى بولىپ شىقتى. ازىرشە ونىڭ بۇل ارەكەتكە بارۋىنىڭ سەبەبى بەلگىسىز، قازىر تەرگەۋ ءجۇرىپ جاتىر.

Kaz.tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى