مايلىق، سابىن جانە ەسىكتەر: عالىمدار قوعامدىق دارەتحانانىڭ باستى قاۋىپ- قاتەرىن اتادى
بۇل تۋرالى Conversation باسىلىمى حابارلادى، دەپ جازادى Stan.kz اقپاراتتىق اگەنتتىگى.
ادام ءوز قاجەتتىلىگىن وتەگەننەن كەيىن كراندى، سابىن تاباقشاسى مەن اجەتحانانىڭ قاعاز سۇلگىسىن ۇستايدى. ادەتتە، ەڭ زياندى باكتەريالار ءدال وسى زاتتارعا جينالادى. بۇدان باسقا، ەسىك تۇتقا دا لاس بولادى، ويتكەنى دارەتحانانىڭ ءاربىر كەلۋشىسى قولدارىن جۋىپ جۇرمەيدى.
سونىمەن قاتار، زەرتتەۋشىلەردىڭ ايتۋىنشا، دارەتحانا ورىندىعى دەنساۋلىققا قاۋىپتى ەمەس جانە ول ارقىلى ىشەك ينفەكتسياسىن جۇقتىرۋ قاۋپى از. سەبەبى، ميكروبتار ادام اعزاسىنا اۋىز ارقىلى تۇسەدى.
وسىعان وراي، عىلىمي ماقالانىڭ اۆتورلارى كرانداردى، دارەتحانا ەسىكتەرىن مايلىقپەن نەمەسە قاعاز سۇلگىلەرمەن اشۋعا كەڭەس بەرەدى. ولار سوندا عانا باكتەريالار ادام اعزاسىنا ءتۇسۋ قاۋپى تومەندەيدى دەيدى. سونداي- اق، عالىمدار دارەتحانادا تەلەفونمەن اڭگىمەلەسۋ، تەمەكى شەگۋ، تاماق تۇتىنۋ جانە ءىشۋ گيگيەناعا ساي ەمەس دەپ، ەسكەرتۋ جاسادى.
