ەلىمىزدىڭ جاستارى ءوزىن-ءوزى جۇمىسپەن قامتىپ، نەسيەسىز ءومىر سۇرە الا ما
بۇل تۋرالى بۇگىن الماتىدا قازاقستان باسپا ءسوز كلۋبىندا بولعان جيىن بارىسىندا قالالىق جاستار ساياساتى ماسەلەلەرى جونىندەگى باسقارمانىڭ باسشىسى شىڭعىس بەسكەمپىروۆ ايتتى، دەپ حابارلايدى قازاقپارات ءتىلشىسى.
جيىن بارىسىندا مىڭجىلدىقتار توعىسىندا تۋعان جاستاردى جۇمىسپەن قامتۋ ماسەلەسى تالقىلاندى.
مامانداردىڭ ايتۋىنشا، 2018 -جىلى قازاقستاندا 146000 جاس ورتا مەكتەپتى ءبىتىردى.
بۇل 2017 -جىلعا قاراعاندا %7 عا ارتىق. ەڭبەك نارىعىنا شىعاتىن جاستاردىڭ سانى جىل سايىن ءوسىپ كەلەدى. جاستاردىڭ بارلىعىن جۇمىسپەن قامتاماسىز ەتۋ ءۇشىن جۇمىس ورىندارىن جەتكىلىكتى تۇردە قۇرۋعا بولا ما؟ ميللەنيالدار جالدانىپ جۇمىس ىستەگىسى كەلە ما؟ جاستار ءوزىن- ءوزى قامتاماسىز ەتىپ، نەسيەسىز ءومىر سۇرە الا ما؟ وسى جانە باسقا دا ماسەلەلەردى مەملەكەتتىك جانە جەكەمەنشىك قۇرىلىمداردىڭ وكىلدەرى جانە تابىستى جاس كاسىپكەرلەر الماتىدا ورتاعا سالدى.
«الماتى قالاسى اكىمدىگىنىڭ باستى ماقساتتارىنىڭ ءبىرى - كاسىپكەرلىكتى دامىتۋ ارقىلى حالىقتى، سونىڭ ىشىندە جاستاردى جۇمىسپەن قامتاماسىز ەتۋ. قازىر الماتىدا 14-35 جاس ارالىعىنداعى %45,20 نەمەسە 777909 ادام تۇرادى. ءدال وسى جاستا بولاشاق ماماندىق تۋرالى، ومىردەگى ورنىم قانداي دەگەن سۇراقتار تۋىندايدى. قازاقستاندا قازىر 503 مىڭنان اسا جاس ءوز- وزىنە جۇمىس جاساپ جاتىر. ولار ەشكىم جالدانىپ جۇمىس جاساعىسى كەلمەيدى. سول سەبەپتى ءبىز مەملەكەتتىك اپپاراتقا جانە بيۋدجەتكە تۇسەتىن سالماقتى ازايتا وتىرىپ، ولارعا مەملەكەت اتىنان جانە دە جەكەمەنشىك كومپانيالارمەن ىنتىماقتاسا وتىرىپ، كومەكتەسۋىمىز قاجەت. سونداي كومپانيالاردىڭ ءبىرى بۇگىن پرەزەنتاتسيا جاساپ وتىر. ءبىز جاستاردىڭ وسى بيزنەسكە كەلىپ، اقشا تاۋىپ، زاڭدى سالىق تولەپ جاتقانىنا قۋانىشتىمىز. جالپى بيزنەستە تەك كوممەرتسيالىق ماقسات ەمەس، الەۋمەتتىك ماقسات تا وتە ماڭىزدى بولۋى ءتيىس»، - دەدى شىڭعىس بەسكەمپىروۆ.
ماماندار جاستاردى جۇمىسپەن قامتۋدا تىكەلەي ساتۋ يندۋسترياسىن ءتيىمدى ۆاريانت رەتىندە قاراستىردى.
قازاقستاندا تىكەلەي ساۋدا يندۋسترياسىندا قازاقستاندا قازىر 800000 ادام جۇمىس ىستەپ جاتىر.
«قازاقستان تىكەلەي ساتۋ قاۋىمداستىعى ءوز جۇمىسىن 2006 -جىلدان بەرى باستاپ كەلەدى. تىكەلەي ساتۋ يندۋسترياسى تاۋاردىڭ نەمەسە قىزمەتتىڭ تۇتىنۋشىعا تىكەلەي جەتۋىن بىلدىرەدى. اسىرەسە، مىنا زاماندا جاستارعا تىكەلەي يندۋستريا سالاسى كوپ مۇمكىندىك بەرەدى. الەمدە بۇل بيزنەسپەن 117 ميلليون ادام اينالىسىپ جاتىر. الەمدىك اينالىم 189 ميلليارد دوللارعا جەتەدى»، - دەدى قازاقستان تىكەلەي ساتۋ قاۋىمداستىعىنىڭ جەتەكشىسى كونستانتين كۋلينيچ.
ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسى جاستاردى جۇمىسپەن قامتۋعا ارنالعان نەگىزگى باعدارلاما بولىپ تابىلادى. باعدارلاما ماقساتتارىنىڭ ءبىرى - جۇمىسسىز جاستار مەن ءوزىن- ءوزى جۇمىسپەن قامتىپ وتىرعان جاستارعا قولداۋ كورسەتۋ. ەلباسى ن. نازاربايەۆتىڭ تاپسىرماسى بويىنشا 2017 -جىلدان باستاپ العاشقى ماماندىقتى تەگىن يگەرۋ ءۇشىن جاعدايلار جاسالىپ وتىر. ءدال وسى تۇستا جاستار اراسىندا كاسىپكەرلىك داعدىلاردى دامىتۋ ماسەلەسى ەرەكشە ماڭىزعا يە بولۋدا.
بيىلعى جىلدىڭ 1 -مامىرىنداعى جاعدايعا سايكەس 56 مىڭ جاس جاپپاي وقىتۋ نەگىزىندە ناقتى كاسىپتىك داعدىلاردى دامىتۋعا باستى كوڭىل ءبولىپ وتىرعان وسى باعدارلاما ارقىلى مەملەكەتتىك قولداۋ شارالارىنا قول جەتكىزە الدى. ەڭبەك نارىعىندا سۇرانىسقا يە ماماندىقتار بويىنشا ءبىلىم مەن داعدىلاردى مەڭگەرۋ ارقاسىندا جاستاردىڭ جۇمىس تابۋ نەمەسە بيزنەس باستاۋ ءۇشىن مۇمكىندىكتەرى ايتارلىقتاي دارەجەدە ارتا تۇسەدى.
«جاستاردىڭ كوپ دەڭگەيلى ماركەتينگ سالاسىندا، قاراپايىم تىلمەن ايتقاندا، ۇسىنىس بەرۋگە نەگىزدەلگەن ماركەتينگ سالاسىندا تاۋەلسىز كاسىپكەرلەر رەتىندە ەڭبەك ەتىپ، بيزنەستى باسقارۋ جانە ادامدارمەن قارىم- قاتىناس قۇرۋ باعىتىندا جيناعان داعدىلارى ولاردىڭ بويىندا ءومىرباقيعا قالادى. ءبىزدىڭ 2016 -جىلى جۇرگىزگەن زەرتتەۋىمىز ناتيجەسىندە ءبىزدىڭ قاۋىمداستىققا مۇشە كومپانيالار اياسىندا بيزنەس قۇرعان 21705 ادامنىڭ %41,87 ى 18-34 جاس ارالىعىنداعى جاستارعا جاتاتىنىن انىقتادىق. ءىس جۇزىنە كەلگەندە، جاستار ەڭ ۇزدىك الەمدىك ستاندارتتار بويىنشا كاسىپكەرلىك مەكتەبىندە ناقتى تاجىريبە جيناقتاي الادى» ، - دەدى كونستانتين كۋلينيچ.
«وسكەلەڭ ۇرپاق ءاردايىم جاڭا ستاندارتتاردى تالاپ ەتەتىندىكتەن، جاڭا تەحنولوگيالار، تسيفرگە كوشۋ، مۇنىڭ ءبارى ءقازىر كومپانيانىڭ باسىمدىق بەرىپ وتىرعان باستى باعىتتارى بولىپ تابىلادى. قازىرگى ۋاقىتتا قازاقستاندا ءبىزدىڭ كومپانياداعى تاۋەلسىز كاسىپكەرلەردىڭ %40 ى 18 جاستان باستاپ 35 جاسقا دەيىنگى جاستارعا جاتادى، بۇل ازياداعى ءىرى نارىقتاردىڭ دەڭگەيىنە سايكەس كەلەدى، ال ەۋروپاداعى جاستاردىڭ ۇلەسى بۇدان ازىراق. ءبىز ءوزى جانە ءوز وتباسى ءۇشىن تابىس تاۋىپ قانا قويماي، سونىمەن بىرگە، قوعامعا پايدا اكەلەتىن وزىق ويلى جاس كاسىپكەرلەردەن قۇرالعان بيزنەس ورتانى قالىپتاستىرۋعا ۇمتىلامىز»، - دەدى «Amway قازاقستان» ج ش س باس ديرەكتورى لاريسا ۆولوكونتسيەۆا.
