ەلىمىزدەگى پويىزدار قانشالىقتى قاۋىپسىز؟
ولاردىڭ كەيبىرىنىڭ تەجەگىشى ىستەن شىعىپ، كەيبىرىنىڭ ەلەكتر توعىندا اقاۋ بولعان. ال جامبىل وبلىسىنداعى پويىز اپاتىنان كەيىن، حالىق پويىزعا وتىرۋعا قورقىپ قالعانداي.
ەلىمىزدەگى پويىزدار قانشالىقتى قاۋىپسىز؟
بۇل تۋرالى 31 ارنا حابارلايدى.
مامانداردىڭ سوزىنشە، ءبىر كۇندە 800 جولاۋشىنى تاسىمالدايتىن پويىزدار ايىنا ەكى رەت تەكسەرىستەن وتەدى ەكەن. سوندىقتان دۇرلىگۋگە سەبەپ جوق، دەيدى ولار.
«ايىنا ەكى رەت ارنايى تەحنيكا تەمىر جولدان ءوتىپ، تەكسەرىپ وتىرادى. تەك ادام عانا قارامايدى، تەحنيكا ولشەيدى. ءوتىپ شىققاننان كەيىن ساراپتاما جاسالىپ، تەمىر جولدىڭ قانشالىقتى قاۋىپسىز ەكەنىن انىقتايدى. ەگەر دە رەلستىڭ وزىندە قانداي دا ءبىر اقاۋلار بولسا اۋىستىرىلىپ وتىرادى. ول جىلىنا، ايىنا قارامايدى»، - دەيدى «الماتى جۇك تاسىمالى بولىمشەسى» فيليالىنىڭ ديرەكتورى سارسەبەك جاپاروۆ.
ءبىر عانا الماتى-1 تەمىر جولى ۆوكزالىندا قاۋىپسىزدىكتى قاداعالاپ وتىراتىن 40 استام قىزمەتكەر جۇمىس ىستەيدى ەكەن.
«ءار كۇندە ءارقالاي. كەيدە كۇنىنە سەگىز ۆاگون جوندەيمىز. مىسالى قازىر ءبىز كەشكە جۇرەتىن شىمكەنت- الماتى پويىزىنىڭ اقاۋلارىن جوندەپ جاتىرمىز. كەشكە دەيىن جاساپ، اۋىستىراتىنىن اۋىستىرىپ، تەكسەرەتىن ماماندار تەكسەرىپ قارايدى. ولارمەن دە بىرگە ءجۇرىپ قارايمىز. سونىمەن ءبارى دايىن دەگەندە جىبەرەمىز»، - دەيدى جۇمىسشى قابدول اپەن.
ايتسە دە، قانشا جەردەن تەكسەرسە دە، ءتۇرلى جايتتاردىڭ ورىن الاتىنى ءسوزسىز. مىسالى سوڭعى 5 اي ىشىندە الماتىنىڭ وزىندە 19 جۇردەك پويىز اپاتقا ۇشىراعان. ونىڭ ەكى جاعدايىندا پويىز رەلستەن شىعىپ كەتىپ، وپات بولعان ەكەن.
