قىتايلىقتار ديماش قۇدايبەرگەن جايلى فيلم تۇسىرمەك

بۇل تۋرالى زيالى قاۋىم وكىلدەرى فورۋمىندا قازاق ۇلتتىق ونەر ۋنيۆەرسيتەتىنىڭ رەكتورى ايمان مۇساقوجايەۆا ايتىپ بەردى.

بۇل تۋرالى Sputnik قازاقستان اقپاراتتىق اگەنتتىگى حابارلايدى.

«بيىل ءبىز «ەۋرازيا» كينو فەستيۆالىنە كەلەتىن BJ Brothers كومپانياسىمەن بىرلەسىپ جۇمىس ىستەيتىن بولامىز. اتالعان كومپانيا ءبىزدىڭ ديماش قۇدايبەرگەن جايلى فيلم ءتۇسىرۋدى جوسپارلاپ وتىر. ديماش تۋرالى فيلم تۇسىرۋگە ۇسىنىستار كوپتەپ تۇسكەن. ءبىز بۇل تۋرالى كانن فەستيۆالى كەزىندە ديرەكتورلارمەن اقىلداسقان بولاتىنمىن»، - دەدى مۇساقوجايەۆا.

ازىرگە فيلمنىڭ سيۋجەتى، جانرى، كونسەپتسياسى جايلى ەشتەڭە بەيمالىم. ايمان مۇساقوجايەۆانىڭ ايتۋىنشا، ونىڭ انىق-قانىعى الداعى ۋاقىتتا تالقىلاناتىن بولادى.

بۇدان بولەك، رەكتور ديماشتىڭ بيىل قاز ۇ و ا تۇلەگى اتاناتىنىن ايتتى. سونداي-اق، ءانشىنىڭ ءبىتىرۋ كەشىنە قاتىساتىنىن دا ءسوز ەتتى.

ايتا كەتەيىك، استانانىڭ 20جىلدىعىنا وراي ۇيىمداستىرىلىپ جاتقان حالىقارالىق «ەۋرازيا» كينوفەستيۆالى 1-7- شىلدە ارالىعىندا وتەدى. وعان فرانسۋز اكتەرى ۆەنسان كاسسەل، كانن كينو فەستيۆالىندە ۇزدىك ايەل بەينەسى ءۇشىن جۇلدە العان سامال ەسلياموۆا، سەربيالىق كينو رەجيسسەر ەمير كۋستۋريتسا مەن باسقا دا تانىمال تۇلعالار قاتىسادى دەپ كۇتىلۋدە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى