تالانتتى بولۋ قاۋىپتى: تورەعالي تورەالى حالىققا دەگەن رەنىشىن ولەڭمەن جەتكىزدى
ۇلكەن سىنعا ىلىككەن سوڭ، ءانشىنىڭ مىسى باسىلىپ قالعانداي، دەپ جازادى Stan.kz اقپاراتتىق اگەنتتىگى.
ءبىر جاعىنان، باسىنا ءىس تۇسكەندە ارىپتەستەرىنىڭ قولداماي، قارسى شىققانى دا تورەشتىڭ جانىنا باتقان. ءتىپتى، جۋىردا ءۇشىنشى رەت اكە اتانعان كەزدە كوپتەگەن ونەر وكىلدەرى تورەعاليدى بۇل قۋانىشىمەن قۇتتىقتاماعان كورىنەدى. بۇل تۋرالى ءانشىنىڭ اكەسى تورەالى تولەپوۆ ايتقان بولاتىن.
بۇعان دەيىن اكەسى جۋرناليستەر ارقىلى ۇلىنىڭ ساحنالىق ارىپتەستەرىنە رەنىشىن جەتكىزسە، بۇل جولى تورەعاليدىڭ ءوزى حالىققا مۇڭىن شاقتى. ول ىشتەگى ويىن اقىن فاريزا وڭعارسىنوۆانىڭ ولەڭىمەن جەتكىزگەن.
«جۇرت ماعان نەگە جاۋىقتى؟ » ،
دەپ ءوزىڭ بوسقا كىشىرمە.
تالانتتى بولۋ قاۋىپتى
تالانتسىزداردىڭ ىشىندە.
جان جەتپەگەنمەن جۇيرىككە،
ىزىڭدار زۋلاپ سوڭىندا وق.
سىيلاماستاردان سىي كۇتپە-
كەمەڭگەر- جالقى، توبىر كوپ.
ءبىر ءوزى كوككە ورلەي مە،
كەزدەسپەي جولىندا ورسىز جەر.
توبىرعا مازاق ول كەيدە، -
وزىمىزبەن بىردەي بولسىن دەر.
تۋمىسى بولەك كەمەڭگەر
كوسەم بولۋعا ۇمتىلماس.
قارا باس قامىن جەگەندەر
قاراكەت ەتۋدەن ءبىر تىنباس.
وتسەدە ءومىر: الدى جار،
تىلسىم با ماڭى، سور ما ارتى،
حالقىنىڭ داڭقىن قالدىرار
تۇبىندە ايتەۋىر سول جالقى».
بۇدان كەيىن ءانشى ايگىلى يرلانديالىق دراماتۋرگ بەرنارد شوۋدىڭ ءسوزىن كەلتىرىپ، ءوزىنىڭ قايتا اياققا تۇراتىنىن جەتكىزگەن.
«مەنىڭ ءار ساتسىزدىگىمنەن كەيىن ابىرويىم اسقاقتاي تۇسپەك»، - دەيدى ول.
