استانا اۆتوبۋستارىندا ادامنىڭ بەت-الپەتىن تانيتىن تەحنولوگيالار ەنگىزىلەدى

«2017 -جىلدىڭ قىركۇيەگىنەن استانا جولدارىندا «سەرگەك» بەينە باقىلاۋ كامەرالارى ىسكە قوسىلىپ، ءوزىنىڭ تيىمدىلىگىن دالەلدەدى. اتاپ ايتقاندا، قوعامدىق ورىنداردا، شاھار كوشەلەرىندە جول-كولىك وقيعالارى مەن قىلمىستار سانى ايتارلىقتاي تومەندەپ، جۇرگىزۋشىلەردىڭ ەرەجە تالاپتارىن ساقتاۋى جوعارىلادى»، - دەپ توقتالدى كومپانيا وكىلى.

بۇدان بولەك ول ادامنىڭ بەت-الپەتىن تانيتىن جۇيەنىڭ جۇمىسىنا دا توقتالىپ ءوتتى.

«ءبىزدىڭ كومپانيا قاۋىپسىزدىكتى قامتاماسىز ەتۋ ءۇشىن اۆتوبۋستاردا، ۆوكزالداردا، ءۇيدىڭ كىرەبەرىستەرىندە ادامنىڭ بەت-الپەتىن تانيتىن تەحنولوگيانى ەنگىزۋ بويىنشا جۇمىس ىستەۋدە. قاناتقاقتى جوبا رەتىندە استانا اكىمدىگىندە وسى جۇيە ورناتىلدى»، - دەپ ناقتىلادى س. قۇسايىنوۆ.

ونىڭ ايتۋىنشا، بىلتىرمەن سالىستىرعاندا «سەرگەك» كامەراسىن ورناتۋ ورتا ەسەپپەن العاندا قىلمىس سانىن 30 پايىزعا تومەندەتكەن. مىسالى، 2017 -جىلدىڭ العاشقى ەكى ايىندا 6391 قىلمىس جاسالسا، ال بيىل 4384 زاڭسىز ارەكەت تىركەلدى.

«سونىمەن قاتار اتالعان فوتو- بەينەتىركەۋ جۇيەسى ارقىلى 523 قىلمىستىڭ بەتى اشىلدى. ولاردىڭ اراسىندا كىسى ولتىرۋگە قاتىستى وقيعالار، قاراقشىلىق، ۇرلىق جانە باسقا دا قىلمىستار بار. جالپى، كامەرالار وسىعان دەيىن بەينە باقىلاۋ جۇيەسى بولماعان جەرلەردە ورناتىلىپ جاتىر»، - دەدى سەرىك قۇسايىنوۆ.

فوتو: alrt.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى