مينيستر حالىقتىڭ سيفرلىق ساۋاتتىلىعىن ارتتىرۋ قالاي ءجۇرىپ جاتقانىن ايتىپ بەردى

«مەملەكەتتىك «سيفرلىق قازاقستان» باعدارلاماسىن جۇزەگە اسىرۋ اياسىندا وسى ۋاقىتقا دەيىن قولعا الىنعان جوبالاردان باسقا 2018 -جىلدىڭ 1 -ماۋسىمىنان باستاپ قازاقستاننىڭ بارلىق وڭىرلەرىندە سيفرلىق ساۋاتتىلىق بويىنشا كۋرستار باستالىپ كەتتى. مينيسترلىك «ەلەكتروندى ۇكىمەت» پەن «ەلەكتروندى مەملەكەتتىك قىزمەتتەر» كۋرستارى بويىنشا وقۋ باعدارلاماسىن دايىندادى. سونىڭ كومەگىمەن حالىقتىڭ تسيفرلىق ساۋاتتىلىعىن ارتتىرۋ كوزدەلىپ وتىر»، - دەيدى مينيستر اقپارات جانە كوممۋنيكاتسيالار مينيسترلىگىنىڭ حالىققا ەسەپ بەرۋ قورىتىندىسى بويىنشا و ك ق- دا وتكەن باسپا ءسوز ءماسليحاتىندا.

داۋرەن ابايەۆتىڭ ايتۋىنشا، 2018 -جىلدىڭ ماۋسىمى مەن تامىز ايلارى ىشىندە «قازپوشتا»، «زەردە» جانە جەرگىلىكتى اتقارۋشى ورگاندارىمەن بىرلەسە وتىرىپ، 500 مىڭعا جۋىق ازاماتقا سيفرلىق ساۋاتتىلىق ۇيرەتىلەتىن بولادى.

«وقۋ كەلەسى داعدىلار بويىنشا جۇرگىزىلەدى: بىرىنشىدەن، بازالىق تسيفرلىق داعدىلار. وندا پەرسونالدى كومپيۋتەردى جانە نوۋتبۋكتى سەنىمدى تۇردە قولدانۋ جولى قامتىلعان. ەكىنشىدەن، «ەلەكتروندى ۇكىمەت» پورتالىن قولدانۋ ۇيرەتىلەتىن بولادى. ءۇشىنشىسى - «اشىق ۇكىمەتتى» قولدانۋ. وندا «اشىق ۇكىمەتتىڭ» ءتورت كومپونەنتى - اشىق مالىمەتتەر، اشىق ءنورماتيۆتى- قۇقىقتىق قۇجاتتار، اشىق ديالوگ جانە اشىق بيۋدجەت قامتىلادى. تورتىنشىدەن، ەلەكتروندى ساۋدا. بۇل ءبولىم - تاۋارلاردى ساتۋ جانە الۋ، ونلاين-ساتىپ الۋدى مەڭگەرۋدى قامتيدى. جالپى، سيفرلىق ساۋاتتىلىققا 8 ميلليون ادامدى ۇيرەتۋ كوزدەلۋدە. اتالعان بارلىق باعىت بويىنشا جۇمىس جالعاسىن تابادى»، - دەدى داۋرەن ابايەۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى