قىتايدا قازاقستاندىق فيلم كورسەتىلەدى

بۇل تۋرالى «قازاقستان» تەلەراديوكورپوراتسياسىنىڭ باسقارما ءتوراعاسى ەرلان قارين فەيسبۋكتەگى پاراقشاسىندا جاريا ەتتى، دەپ حابارلايدى قازاقپارات ءتىلشىسى.

«قازاقستان» تەلەراديوكورپوراتسياسىنىڭ «تەكەتىرەس» كينوتۋىندىسى قىتايداعى چيڭداۋ قالاسىندا ءوتىپ جاتقان حالىقارالىق كينوفەستيۆالدا جوعارى باعاعا يە بولدى. بۇگىن، قىتايدىڭ ەڭ اۋقىمدى «CCTV 6» تەلەارناسى مەن «قازاقستان» تەلەراديوكورپوراتسيا اراسىندا «تەكەتىرەس» فيلمىن قىتاي اۋماعىندا كورسەتۋ ءۇشىن كەلىسىمگە قول قويىلدى. بۇل ۇلكەن جەتىستىك»، - دەپ جازدى ەرلان قارين.

فيلم ەرلان قاريننىڭ «سولدات حاليفاتى» كىتابىنىڭ جەلىسىمەن 2017 -جىلى تۇسىرىلگەن. رەجيسسەرى ۆيكتور كليموۆ.

فيلم جەلىسى بويىنشا ۇ ق ك مايورى راحمەتوۆ ءار ءتۇرلى ۋاقىتتا، ءار ءتۇرلى ايماقتاردا تەرروريستىك ارەكەت ۇيىمداستىرعان ەكسترەميستىك توپتاردىڭ ىزىنە تۇسەدى. بۇل وقيعادا قازاقستاننىڭ ءىرى قالالارى عانا ەمەس راحمەتوۆتىڭ ءوز جانۇياسىنا دا قاۋىپ تونەدى. تەرگەۋ جۇمىستارى بارىسىندا بۇل ارەكەتتەردىڭ ارتىندا حالىقارالىق تەرروريستەر تۇرۋى مۇمكىن دەگەن تۇجىرىمعا كەلەدى. ناتيجەسىندە «حاليفات ساربازدارىن» جەڭۋ ماقساتىندا قازاقستاندا اۋماعىندا عانا ەمەس، شەت مەملەكەتتەرگە دە اتتانادى. فيلم شىنايى وقيعالار نەگىزىندە تۇسىرىلگەن.

ارايلىم جولداسباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى