بيداي باعاسى ءوسىپ كەلە جاتىر - ءومىرزاق شوكەيەۆ

«بىلتىر جەلتوقسان ايىنىڭ اياعىندا بيداي نارىعىندا وتە كۇردەلى جاعداي قالىپتاستى. باعا تومەن ءتۇسىپ كەتتى، ياعني (تونناسى - اۆت. ) 35 مىڭ تەڭگەگە دەيىن. سونىمەن قاتار ۆاگوندار جەتىسپەدى، وسى ورايدا ءتيىستى دەڭگەيدە قاربالاس باستالدى. سوندىقتان مينيسترلىك تاراپىنان ۇكىمەتكە ءتيىستى ءوتىنىم جاسادىق. بۇل تۇرعىدا بىزگە رەزەرۆتەن قارجى ءبولىنىپ، بيدايدى 42 مىڭ تەڭگەدەن ساتىپ الۋعا مۇمكىندىك بەرۋ ەسكەرىلدى. ۇكىمەت 27 - جەلتوقساندا قاۋلى قابىلدادى جانە 29- كۇنى وسى قارجى كەلىپ ءتۇستى»، - دەپ اتاپ ءوتتى ءو. شوكەيەۆ.

وسى ورايدا ول قاڭتار ايىندا بيداي ساتىپ الىنعانىن، نارىقتاعى جاعداي تۇراقتالا باستاعانىن جەتكىزدى.

«كوپتەگەن ديقاندار پروبلەمالارىن شەشىپ، قارىزدارىنان قۇتىلدى. سايكەسىنشە، فەرمەرلەر كوكتەمگى ەگىس ناۋقانىنا دايىندالۋىن باستاپ كەتتى. قازىر ازىق- تۇلىك كورپوراتسياسى سول 42 مىڭ تەڭگەدەن ساتىپ الىنعان بيدايعا قاتىستى 47 مىڭ تەڭگەنىڭ شارتتارىن جاساپ، ساتىپ جاتىر. بۇگىندە استىق باعاسى كوتەرىلىپ كەلەدى. سوندىقتان بۇل ءتيىمدى شەشىم بولدى دەپ ويلايمىن»، - دەدى ءومىرزاق شوكەيەۆ.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى