جاعىمسىز تەرى يىسىنەن قالاي قۇتىلۋعا بولادى؟
قازىرگى كەزدە تەرى ءيىسىن زالالسىزداندىراتىن ءتۇرلى دەزودورانتتار مەن انتيسپيرانتتاردان دۇكەن سورەلەرى قايىسىپ تۇر.
سوعان قاراماستان قوعامدىق ورىنداردا جاعىمسىز تەرى ءيىسى مۇرنىڭدى جاراتىن ادامداردى كۇندەلىكتى كەزدەستىرەسىڭ. كەيدە «وزدەرى قالاي سەزىنبەيدى، نەگە جۋىنبايدى؟» دەگەن كۇڭكىلدى دە ەستىپ قالاسىڭ.
جاعىمسىز تەرى ءيىسى نەدەن پايدا بولادى؟
ماسەلە جۋىنباۋدا ەمەس، تەرى ءيىسىنىڭ بەلگىلى ءبىر فيزيولوگيالىق جانە پسيحولوگيالىق سەبەپتەرى بار.
فيزيولوگيالىق سەبەپتەرىنە قالقانشا بەزدىڭ زاقىمدانۋى، گورمونداردىڭ وزگەرىسى، ىشكى ورگانداردىڭ اۋرۋعا شالدىعۋى، يممۋنيتەتتىڭ تومەندەۋى، كەيبىر ءدارى-دارمەكتىڭ قاننىڭ قۇرامىنا اسەر ەتۋى، ت. ب. جاتادى. سوندىقتان جاعىمسىز تەرى يىسىنەن قۇتىلا الماي جۇرگەندەر مىندەتتى تۇردە ەندەكرينولوگ، تەراپيەۆت ماماندارعا قارالۋ قاجەت.
ال پسيحولوگيالىق سەبەپتەرى - ورىنسىز اشۋلانۋ، بولماشى نارسەگە كۇيگەلەكتەنۋ، قورقۋ، ت. ب.
جاعىمسىز يىستەن قالاي ارىلۋعا بولادى؟
دەزودورانتتار مەن انتيسپيرانتتاردان باسقا ۋكسۋس نە اس سوداسى ەرىتىندىلەرىمەن، ليمون شىرىنىمەن، شاي تۇنباسىمەن ءسۇرتىنۋ.
سونداي-اق كوسمەتولوگيالىق كلينيكالاردا بوتوكس ەگۋ ارقىلى بەلگىلى ءبىر مەرزىمگە دەيىن زالالسىزداندىرادى.
ال پسيحواناليتيكتەر تەرى ءيىسى قاتتى شىعاتىن ادامداردىڭ ءوز-وزىنە قاتاڭ تالاپ قويىپ، ونى ورىنداي الماي، ىزالاناتىنىن ايتادى.
ءيىس ءسىڭىپ قالعان كيىمدەردى ۋكسۋس قوسىلعان سابىندى سۋدا جانە ورگانيكالىق كومپونەنتتەردەن تۇراتىن ارنايى قۇرالدارمەن جۋۋعا بولادى.
دەرەككوزى: «ج ج» توپتاماسىنان
