قازاقستانعا قاي جەرلەرگە ساياحاتتاۋعا بولادى
«جازعى دەمالىستا ورتالىق قازاقستاندا بۋرابايعا، قارقارالىعا، باياناۋىل، ۇلىتاۋعا بارۋعا بولادى. شىعىستا - التايعا، زايسان، مارقاكول، راحمانوۆ بۇلاقتارىنا، الماتىدا - شارىن، كولساي، قايىڭدى، التىن ەمەلگە، ارالداعى كەمەلەر ورنىنا، كاسپيگە، ۇستىرتكە، بالقاش پەن الاكولگە بارۋعا كەڭەس بەرەمىن»، - دەپ جاۋاپ بەردى ول ق ر ۇكىمەتىنىڭ باسپا ءسوز ورتالىعىندا جۋرناليستەر ساۋالىنا.
سونداي-اق، ۇلتتىق كومپانيا باسشىسى كورسەتىلەتىن قىزمەت ساپاسىنا تۇسىنىستىكپەن قاراۋعا شاقىردى.
«وتكەن جىلى الاكولگە بارۋدى ۇيعاردىق. ونداعى سەرۆيستىڭ تومەن ەكەنىن ايتقاندار بولدى. ارينە، قايدا بارا جاتقانىمدى ءبىلدىم، تايلاند پەن تۇركياداعىداي ساپالى قىزمەت كورسەتۋدى كۇتكەن جوقپىن. جولدىڭ دا جاعدايى بەلگىلى. ءبىراق، وتباسىممەن كولگە شومىلدىم، ءبىز توقتاعان قوناق ءۇيدىڭ قوجايىندارى وتە مەيىرىمدى بولىپ شىقتى. وزدەرى پىسىرگەن باۋىرساق پەن توساپ، ءدامدى قايماقتى تاتىپ كوردىك. باعاسى وتە ءتيىمدى بولدى (...) بيىل ۇلىتاۋعا بارۋدى جوسپارلاپ وتىرمىز. ۇلىتاۋ - تۇتاس ەۋرازيانىڭ ورتاسىندا ورنالاسقان كيەلى جەر. شىڭعىس حان ۇرپاقتارى اراسىندا جالعىز جوشى حاننىڭ عانا كەسەنەسى ۇلىتاۋدا ساقتالىپ قالعان. جوشى حان - شىڭعىس حاننىڭ تۇڭعىش ۇلى، قازاق حاندارى اۋلەتىنىڭ باستاۋى»، - دەيدى ر. كۇزەمبايەۆ.
سونىمەن بىرگە، ر. كۇزەمبايەۆتىڭ ايتۋىنشا، قازاقستانداعى تۋريستىك الەۋەتى بار ورىنداردىڭ ينفراقۇرىلىمى بويىنشا جۇمىستار جۇرگىزىلۋدە.
«باتىس ەۋروپا - باتىس قىتاي» جولى بويىنداعى 93 قىزمەت كورسەتۋ ورتالىعىنىڭ قۇرىلىسىنا جەر تەلىمدەرى ءبولىنىپ جاتىر. قىزمەت كورسەتۋ ستاندارتتارى ازىرلەنىپ، ۆيزيت- ورتالىقتار (كەلەسى جىلى ۇلىتاۋ مەن تامعالىتاستا اشىلادى) سالىنۋدا.
