ەركە ەسماحان ومىرىندە وتىرىكشى ءارى الاياق جىگىتكە تاپ بولعانىن اشىق ايتتى
اكتريسا ءارى ەندىگى كينوپروديۋسەر اتانعان ەركە تۋىندىسىن كۇزدە كورەرمەنگە ۇسىنباق، دەپ حابارلايدى Stan.kz اقپاراتتىق اگەنتتىگى.
بۇل ورايدا ەسماحان فيلمدەگى وقيعالار مەن باستى كەيىپكەرلەرگە شولۋ جاساپ، كورەرمەندەرگە قۇپيانىڭ شەتىن اشتى.
«كينو دەگەن - قىسقاشا ءومىر. كەيدە ءومىر دە كينو سياقتى. ءبىزدىڭ كينومىزدىڭ سەناريىنىڭ ءوزى ومىردەن الىنعانداي. دوستىق، سىيلاستىق، سۇيىسپەنشىلىك، ماحاببات، ادامدى الداۋ، ءۇمىت، سەنىم، وكىنىش سياقتى ومىردە ادامدار قارىم- قاتىناسىندا بولاتىن جاعدايلار وسى كينودا كورىنىس تاپقان»، - دەيدى ەركە.
ءانشىنىڭ ايتۋىنشا، فيلمدە باستى ءرولدى سومدايتىن اكتەر ءارى ۆاينەر ءشارىپ سەرىك شىنايى ومىردە بولمىسى بولەك جىگىت. ادال ءبىراق فيلمدەگى كەيىپكەرى جاعىمسىز. بۇل ورايدا ەركە شىنايى ومىردە دە الاياق ءارى وتىرىكشى جىگىتكە كەزىككەنىن ايتادى.
«باستى رولدەگى شاكەنتي الاياقتىڭ ءرولىن سومدايدى. ءبىراق ومىردە سونداي ادال جان! جۇمىسىن قاتتى جاقسى كورەتىن جىگىت! شاكونىڭ كەيىپكەرى سياقتى وتىرىكشى، الاياققا مەن دە شىنايى ومىردە تاپ بولعانمىن. مەنى قۇداي ساقتاپ، ءبارى ارتتا قالدى. ومىرلىك ساباق بولدى. كينونىڭ جەلىسى مەنىڭ ومىرىمدەگى كەي جاعدايلارمەن ۇقساس. تاڭعالام! ەكىنشى باستى كەيىپكەر ءوزىم عوي.
كەيىپكەرىمنىڭ وبرازىنا قاتتى كىرىپ كەتىپ، ونىڭ بار سەزىمىن شىنايى سەزگەندەي بولدىم. كەيىپكەرىم ماقپالدى ءسۇيىپ قالدىم. كينومىزدىڭ كوپ جۇمىسىن بىتىردىك، ازى قالدى. وسى جىلدىڭ كۇزىندە بارلىق كينوتەاترلاردا كورسەتىلەدى. اللاعا سانسىز شۇكىر!» - دەپ ءبولىستى ەركە.
